کراچی میں ڈاکو 38 لاکھ روپے مالیت کے بکرے چھین کر فرار

پولیس نے بکرے چھیننے کی واردات کی ایف آئی آر درج کرکے تحقیقات کا آغاز کردیا ہے۔ (فوٹو، اے پی پی)

---

بھینس کالونی میں ڈاکو 38 لاکھ روپے مالیت کے بکروں سے لدا ٹرک چھین کر فرار ہوگئے۔

تفصیلات کے مطابق جمعے کو بھینس کالونی میں پانچ مسلح ملزمان نے ٹرک ڈرائیور سمیت اس میں سوار دیگر افراد کو رسیوں سے باندھ کر نقدی اور موبائل بھی لوٹے اور باآسانی فرار ہوگئے۔

سکھن پولیس کا کہنا ہے کہ اس راستے سے جب بعد میں کچھ افراد گزرے تو انھوں نے ٹرک ڈرائیور اور دیگر افراد کی رسیاں کھول کر انھیں آزاد کیا جس کے بعد انھوں نے پولیس کو مطلع کیا۔ پولیس نے واقعے کی ایف آئی آر 393/2020 درج کرکے تحقیقات کا آغاز کردیا ہے۔

یہ خبر بھی پڑھیے: مویشی منڈی پر ڈاکوؤں کا دھاوا، 50 لاکھ روپے لوٹ کر فرار

مدعی کے مطابق ٹرک میں 38 لاکھ روپے مالیت کے 67 بکرے موجود تھے۔ بعدازاں سہراب گوٹھ پولیس نے سکھن پولیس کو اطلاع دی کہ ان کے علاقے سے چھینا گیا ٹرک خالی حالت میں سہراب گوٹھ کے علاقے سے مل گیا جسے پولیس نے تحویل میں لے لیا ہے ۔