- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
نارتھ کراچی؛ نجی ہاؤسنگ سوسائٹی میں آوارہ کتوں کا قربانی کے جانور پر حملہ، ویڈیو منظرعام پر
کراچی: نارتھ کراچی بابا موڑ پر واقع نجی ہاؤسنگ سوسائٹی صائمہ عربین ولاز میں آوارہ کتوں نے قربانی کے جانور پر حملہ کرکے زخمی کردیا جسے فوری ذبح کرنا پڑا، سوسائٹی میں کچھ دن قبل کتوں کے حملے سے بچنے کی کوشش میں موٹر سائیکل سوال بھی جاں بحق ہو چکا ہے۔
ایکسپریس نیوز کے مطابق نجی ہاؤسنگ سوسائٹیز میں عوام کے استحصال اور قواعد و ضوابط کی خلاف ورزیاں عروج پر ہیں، رہائشی افراد سے یوٹیلیٹی و سیکیورٹی کے نام پر رقومات وصول کی جاتی ہیں تاہم کسی بھی ہاؤسنگ سوسائٹی میں انتظامیہ عوام کو سہولیات فراہم کرنے سے قاصر ہے۔
ایسا ہی واقعہ نارتھ کراچی بابا موڑ پر واقعہ نجی ہاؤسنگ سوسائٹی صائمہ عربین ولاز میں پیش آیا جس میں قربانی کے جانور پر کتوں کے حملے کی ویڈیو منظرعام پر آگئی، یہاں رات کے وقت کتوں کا راج ہے اور عوام گھروں سے نکلتے ہوئے خوف زدہ رہتے ہیں، انتظامیہ کو کئی بار لوگوں نے شکایت کی مگر کوئی شنوائی نہیں ہوئی۔
سوسائٹی کے بلاک ایچ میں رونما ہونے والے اس افسوس ناک واقعے میں آوارہ کتوں نے قربانی کے بکرے پر حملہ کرکے اسے شدید زخمی کردیا۔ تین سے چار کتوں نے آدھی رات کے وقت بکرے پر حملہ کیا جس کی وجہ سے بکرے کی ٹانگ ٹوٹ گئی اور بکرے کی گردن پر گہرے زخم بھی آگئے اور اس واقعے کی ویڈیو بھی منظر عام پر آگئی۔
سی سی ٹی وی فوٹیج میں بکرے کے ساتھ گائے بھی نظر آرہی ہے تاہم آوارہ کتے گائے کو چھوڑ کر بکرے پر حملہ آور ہوئے۔ ویڈیو میں دیکھا جاسکتا ہے کہ حملے کے بعد بکرا لنگڑانے لگا اور اس کی گردن سے خون بھی بہنے لگا جب کہ دوسری ویڈیو بکرے کے مالک کی ہے جس میں وہ سارے واقعے کا ذمہ دار سوسائٹی کی انتظامیہ کو قرار دے رہا ہے۔
بکرے کے مالک کا کہنا ہے کہ سوسائٹی کی محفوظ چار دیواری کے اندر آوارہ کتوں کی اس قدر بہتات سوسائٹی انتظامیہ کی نااہلی کا منہ بولتا ثبوت ہے جس کی وجہ سے یہ واقعہ پیش آیا۔
سوسائٹی کے رہائشیوں نے کہا ہے کہ یہ پہلا واقعہ نہیں ہے بلکہ کتوں کے کاٹنے اور ان کے حملہ کرنے کے اس سے قبل بھی کئی واقعات سامنے آچکے ہیں، قبل ازیں بلاک اے کا رہائشی برہان نامی نوجوان بھی رات کو کتوں کے حملے سے بچنے کی کوشش میں الیکٹرک بوتھ سے ٹکرا کر جاں بحق ہوچکا ہے۔
رہائشی افراد نے مطالبہ کیا کہ سوسائٹی کی انتظامیہ آوارہ کتوں کے خلاف فوری طور پر آپریشن کرے تاکہ اس طرح کے مزید واقعات رونما نہ ہوں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔