’’ بھابھی جی پاپڑ‘‘ کورونا کا بہترین علاج ہیں بھارتی وزیر

پاپڑ میں کورونا سے لڑنے کے طاقت ور عناصر موجود ہیں، نائب وزیر آبی وسائل (فوٹو: ٹویٹر)

---

بھارت کے مرکزی نائب وزیر برائے آبی وسائل ارجن رام میگھاول کورونا کے علاج کے لیے گھر میں تیار کیے گئے پاپڑ بیچنے لگے۔

بھارتی میڈیا کے مطابق ریاست راجستھان سے بی جے پی کے رکن پارلیمان اور مرکزی نائب وزیر ارجن رام میگھاول نے ''بھابھی جی'' کے نام سے پاپڑ کی مارکیٹنگ شروع کی ہے، اُن کا دعویٰ ہے کہ یہ پاپڑ کورونا کا شافی علاج ہیں اس لیے تمام شہریوں کو یہ پاپڑ ضرور کھانے چاہئیں۔

بھابھی جی پاپر کی تشہیر کے دوران نائب وزیر آبی وسائل ارجن رام میگھاول کا کہنا تھا کہ اس پاپڑ میں کورونا وائرس سے لڑنے کی طاقت پیدا کرنے والے تمام عناصر موجود ہیں جو قوت مدافعت میں اضافہ کریں گے۔ ان کی تشہیری مہم سوشل میڈیا پر وائرل ہوئی تو صارفین نے سخت تنقید کا نشانہ بنایا۔

صارفین کا کہنا تھا کہ بابا رام دیو کے بعد اب وزرا بھی کورونا وبا کا فائدہ اٹھانے کے لیے معصوم شہریوں کو دھوکہ دے رہے ہیں اور شرمناک طور پر منافع کما رہے ہیں۔ بوگس علاج کے ذریعے عوام کو لُٹا جا رہا ہے۔

"Union Minister Arjun Ram Meghwal has launched a 'papad' brand amid covid pandemic claiming that it contains some ingredients that help develop antibodies against the new coronavirus". Ministers, Ramdev all trying to profit from Covid peddling bogus cures https://t.co/GgjBNDc4Y6

— Prashant Bhushan (@pbhushan1) July 24, 2020

واضح رہے کہ مودی سرکار کی کورونا وبا سے نمٹنے کی پالیسی بری طرح ناکام ہوگئی ہے جس کے باعث بھارت دنیا بھر میں کورونا سے متاثر ہونے والا تیسرا بڑا ملک بن گیا ہے۔