ملک میں کورونا وبا میں کمی؛ 24 گھنٹوں میں مزید 727 افراد شکار

ویب ڈیسک  جمعرات 6 اگست 2020
اسلام آباد، بلوچستان، گلگت بلتستان اورآزاد کشمیرمیں آج کوئی مریض جاں بحق نہیں ہوا، این سی او سی: فوٹو: فائل

اسلام آباد، بلوچستان، گلگت بلتستان اورآزاد کشمیرمیں آج کوئی مریض جاں بحق نہیں ہوا، این سی او سی: فوٹو: فائل

 اسلام آباد: ملک میں 24 گھنٹوں میں مزید 727 افراد شکاراور21 اموات رپورٹ ہوئیں۔

این سی اوسی کے مطابق گزشتہ 24 گھنٹے کے دوران 15 ہزارکورنا ٹیسٹ کیے گئے جن میں مزید 727 افراد شکاراور21 اموات رپورٹ ہوئیں جس کے بعد ملک بھرمیں جاں بحق افراد کی تعداد 6035 تک پہنچ گئی ہے۔ اسلام آباد، بلوچستان، گلگت بلتستان اورآزاد کشمیرمیں آج کوئی مریض جاں بحق نہیں ہوا۔

این سی اوسی کے مطابق گلگت بلتستان میں 2234، آزاد کشمیرمیں 2116 مریض،  پنجاب میں 93 ہزار 847 اورخیبرپختونخوا میں 34 ہزار359، اسلام آباد 15 ہزار 141، بلوچستان میں 11 ہزار793 جب کہ سندھ ایک لاکھ 22 ہزار 373 مریضوں کیساتھ سر فہرست ہے۔ اب تک 2 لاکھ 56 ہزار 58 مریض کورنا کوشکست دے چکے ہیں۔

کورونا وائرس اور احتیاطی تدابیر:

کورونا وائرس کے خلاف یہ احتیاطی تدابیر اختیار کرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکر بیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پر کوئی اثر نہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اور ہر ایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔