انگلش کاؤنٹی ٹی20 چیمپئن شپ میں شاہین شاہ آفریدی کی 4 گیندوں پر 4 وکٹیں

ویب ڈیسک  اتوار 20 ستمبر 2020
شاہین شاہ آفریدی نے مڈل سسیکس کے خلاف میچ میں 19 رنز کے عوض 6 وکٹیں لیں فوٹو: فائل

شاہین شاہ آفریدی نے مڈل سسیکس کے خلاف میچ میں 19 رنز کے عوض 6 وکٹیں لیں فوٹو: فائل

 لندن: شاہین شاہ آفریدی انگلش ٹی20 بلاسٹ میں 4 گیندوں پر 4 وکٹیں حاصل کرکے اپنے ردہم میں واپس آگئے ہیں۔

شاہین شاہ آفریدی انگلش ٹی 20 بلاسٹ میں ہمپشائر کاؤنٹی کی جانب سے حصہ لے رہے ہیں۔ مڈل سسیکس کے خلاف میچ میں انہوں نے تباہ کن بولنگ کی۔ انہوں نے لگاتار 4 گیندوں پر جون سمپسن، اسٹیون فن، تھیلان ولالا واتیا اور ٹم مرتاغ کو پویلین کی راہ دکھائی، اس کے علاوہ انہوں نے اسی میچ میں 19 رنز کے عوض 6 وکٹیں لے کر ہمپشائر کی ٹی 20 تاریخ کی دوسری ہیٹ ٹرک کرنے کا اعزاز بھی اپنے نام کر لیا۔

شاہین شاہ آفریدی جہاں ٹی20 کی تاریخ میں 4 گیندوں پر 4 وکٹیں لینے والے چوتھے کھلاڑی بن گئے ہیں وہیں ان کی ٹیم ہمپشائر بھی 6 لگاتار ہار کے بعد جیت کا مزہ چھکنے میں کامیاب ہوئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔