- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
ہم نے فوج کو5 سوارب دے کر ہر جنگ جیتنے کے قابل بنایا، احسن اقبال
ملتان: مسلم لیگ(ن) کے رہنما احسن اقبال نے کہا ہے کہ ہم نے فوج کو 500 ارب دے کر انھیں وسائل فراہم کیے جس سے ہر جنگ جیتی جا سکتی تھی۔
مسلم لیگ (ن) کے رہنما احسن اقبال نے ہائیکورٹ بارمیں وکلا سے خطاب کرتے ہوئے کہا جنوبی ایشیا کے تمام ممالک پاکستان سے آگے نکل گئے، امریکی مصنف نے 22 سال قبل پاکستان کے مستقبل کی پیش گوئی کی تھی،تاہم وہ پیش گوئی مسترد کردی گئی لیکن آج وہ سچ ہوگئی۔ امریکی مصنف نے لکھا تھا قوی امکان ہے پاکستان کی ریاست ناکام ہوجائے ، کیونکہ پاکستان میں طاقت کا مرکز اسٹیبلشمنٹ ہے، بظاہر اختیارات پارلیمنٹ کے پاس ہیں لیکن اصل طاقت اسٹیبلشمنٹ کے پاس ہے۔
امریکی مصنف نے مزید لکھا تھا ممکنہ طور پر تین پہلو پاکستان میں سامنے آ سکتے ہیں، پاکستانی ریاست انتظامی ڈھانچہ اندرونی تضاد کا شکار ہے، جس ملک میں دو طاقتیں ہوں وہ نا کامیاب رہے گی نا ناکام ہوگی۔ 22 سال بعد ہم ان ناقدین کو سچا ثابت کر رہے ہیں۔
رہنما مسلم لیگ (ن) نے کہا میں 5 مرتبہ قومی اسمبلی کا ممبر بنا، چھٹی بار مشرف نے مجھے ہرایا، افسوس سے کہتا ہوں پاکستان کو کبھی آگے نہیں بڑھنے دیا گیا، ہمیشہ پاکستان کو پیچھے دھکیل دیا جاتا ہے، پاکستان 1999 میں خوشحال تھا، پیسے کی قدر زیادہ تھی اور آج 2020 میں پاکستان جنوبی ایشیاء میں کم ترین گروتھ ریٹ پر کھڑا ہے، آج پاکستان کا روپیہ کم ترین سطح پر پہنچ چکا ہے۔ بھارت، بنگلہ دیش، سری لنکا، نیپال، مالدیپ ، افغانستان کو کون سا سرخاب کا پر لگا ہے جو وہ آگے نکل گئے ہیں۔
احسن اقبال نے مزید کہا ہم نے فوج کو 500 ارب دے کر انھیں وسائل فراہم کیے جس سے ہر جنگ جیتی جا سکتی تھی، جب وسائل ملے تو ہماری افواج نے دہشت گردی کے خلاف ہر وہ جنگ جیتی جو امریکا افغانستان میں ہار کر واپس جا رہا ہے۔ سابق وزیر اعظم نواز شریف نے مسلح افواج کو کہا جنگ لڑیں حکومت آپ کے ساتھ کھڑی ہے، ہم نے مسلح افواج کو آپریشن ضرب عضب اور رد الفساد میں 5 سو ارب مہیا کیے۔ نواز شریف حکومت نے مسلح افواج کو تمام وسائل فراہم کئے جس سے دہشت گردوں کو ٹھکانے لگایا گیا۔
احسن اقبال نے کہا 2018 میں اس حکومت کو دھاندلی سے باہر کر دیا گیا۔ سندھ اور خیبر پختونخوا میں وہی حکومت اور پنجاب میں جس کی دنیا میں مثالیں دی جاتی ہیں اسے دھاندلی سے ہرا دیا جاتا ہے۔ 2013 میں ہمیں ملک اس حال میں ملا تھا کہ 20 گھنٹے لوڈ شیڈنگ، بم دھماکے اور معیشت تباہ تھی۔ سابق وزیراعظم نواز شریف کی قیادت میں ہم نے عوام سے کئے وعدوں کو پورا کیا، منسٹری آف پلاننگ کا قلمدان سنبھالنے کے بعد مجھ سے سوال ہوا کہ ملک کا خزانہ ہے،غیب سے مدد سی پیک کی صورت میں آئی۔
احسن اقبال نے کہا اس ملک کے جام پہیے کو چلانا ہے تو جمہوریت کی بحالی کرنا ہوگی،2018 کے الیکشن میں جس حکومت نے پاکستان کو ترقی کے راستے پر ڈالا، سی پیک منصوبہ لائے اسے دھاندلی سے ہرا دیا گیا ہارس ٹریڈنگ کے زریعے، مینڈیٹ چوری کر کے شہباز شریف کی مثالی حکومت کو ختم کردیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔