وزیراعظم کے کامیاب وژن کی گواہی کورونا کے اعدادوشمار دے رہے ہیں، وزیراطلاعات۔ فوٹو:فائل
سماجی رابطے کی ویب سائٹ ٹویٹر پر اپنی ٹویٹ میں وفاقی وزیراطلاعات شبلی فراز کا کہنا تھا کہ کورونا سے لے کرعام آدمی کی صحت، روزگار اور کاروبار کی بحالی تک حکومتی پالیسیوں کے مثبت نتائج برآمد ہوئے، اور کورونا وباء کے حوالے سے اپوزیشن کے الزامات اور خدشات کو وقت نے غلط ثابت کر دکھایا۔
کورونا وباء کے حوالے سے اپوزیشن کے الزامات اور خدشات کو وقت نے غلط ثابت کر دکھایا۔کٹھن حالات میں اعلی کارکردگی دکھانا وزیراعظم عمران خان کی حقیقی پہچان ہے۔کورونا سے لیکر عام آدمی کی صحت، روزگار اور کاروبار کی بحالی تک حکومتی پالیسیوں کے مثبت نتائج برآمد ہوئے۔
— Senator Shibli Faraz (@shiblifaraz) September 27, 2020
شبلی فراز کا کہنا تھا کہ کٹھن حالات میں اعلی کارکردگی دکھانا عمران خان کی حقیقی پہچان ہے، وزیراعظم کے کامیاب وژن کی گواہی اعدادوشمار دے رہے ہیں، پنجاب میں کورونا کیسز کی تعداد 98 ہزار 864 جب کہ سندھ میں 1 لاکھ 35 ہزار 246 ہے، پنجاب میں 2229 جب کہ سندھ میں 2477 اموات ہوئی ہیں، خیبر پختونخوا میں37525 کیسز اور 1258 اموات ہوئیں، اسلام آباد میں کیسز 16324اور 181 اموات ہوئیں۔
