جامعہ کراچی میں داخلے کیلیے ٹیسٹ اتوار کو ہوگا

ماسٹرز پروگرام کا امتحانی مرکز این ای ڈی یونیورسٹی میں قائم کردیاگیا، داخلہ ٹیسٹ کے نمونے جامعہ کراچی کی ویب سائٹ پر دیکھے جاسکتے ہیں۔ فوٹو: فائل

---

جامعہ کراچی کے ڈائریکٹر ایڈمیشن پروفیسر ڈاکٹر خالد عراقی کے اعلامیے کے مطابق ایسے امیدوارجنھوں نے انٹرمیڈیٹ کاامتحان پاس کرلیا ہے اور بی ایس، بی ای اورآنرزپروگرام میں داخلے کے خواہشمند ہیں۔

ان کا داخلہ ٹیسٹ این ٹی ایس کے زیر اہتمام 22 دسمبر کو صبح 9 بجے جبکہ ایسے امیدوار جنھوں نے بی ایس سی ، بی سی ایس، ہوم اکنامکس/ بی ای، بی ٹیک،بی اے ،ہمیونیٹیزاور سوشل سائنسز میں گریجویشن کاامتحان پاس کیا ہے اور ماسٹرزپروگرام میں داخلے کے خواہشمند ہیں ان کا داخلہ ٹیسٹ دوپہر ایک بجے ہوگا،ایسے امیدوارجنھوں نے انٹرمیڈیٹ کاامتحان پاس کرلیا ہے اور بی ایس ،بی ای اور آنرزپروگرام میں داخلے کے خواہشمند امیدواروںکافارم نمبر 4501 تا 7354 کاداخلہ ٹیسٹ این ای ڈی یونیورسٹی آف انجینئرنگ اینڈ ٹیکنالوجی میں منعقدہ ہوگا، فارم نمبر 7355 تا 8545 تک کا داخلہ ٹیسٹ گورنمنٹ ڈگری کالج گلشن اقبال بلاک 7 میں ہوگا، فارم نمبر8547 تا 9024 کا داخلہ ٹیسٹ گورنمنٹ ڈگری بوائز سائنس اینڈ کامرس کالج گلستان جوہر، نزد شیخ زید اسلامک سینٹر جامعہ کراچی میں منعقد ہوگا، فارم نمبر 9026 تا9745 کا داخلہ ٹیسٹ گورنمنٹ بوائز اینڈ گرلز کالج ایس آرای مجید اسٹیڈیم روڈ کراچی میں منعقد ہوگا، فارم نمبر9746 تا 11244 کاداخلہ ٹیسٹ اُردو یونیورسٹی گلشن اقبال کیمپس میں ہوگا۔



فارم نمبر 11245 تا12010 کاداخلہ ٹیسٹ انڈس یونیورسٹی اسٹیڈیم روڈ کراچی میں منعقد ہوگا،فارم نمبر 12011 تا 12953 کا داخلہ ٹیسٹ گورنمنٹ جناح کالج ناظم آباد بالمقابل بورڈ آفس میں منعقد ہوگا، فارم نمبر12956 تا 13444 کا داخلہ ٹیسٹ گورنمنٹ کالج ناظم آباد میں منعقد ہوگا،فارم نمبر13445 تا 15418 کا داخلہ ٹیسٹ گورنمنٹ اسلامیہ آرٹس اینڈ کامرس کالج ایم اے جناح روڈ میں منعقد ہو گا، فارم نمبر 15419 تا 15992 کا داخلہ ٹیسٹ ایس ایم گورنمنٹ آرٹس اینڈ کامر س کالج نمبر 2 شاہراہ کمال اتاترک (بالمقابل برنس گارڈن) میں منعقد ہوگا، فارم نمبر 15993 تا 16762 کا داخلہ ٹیسٹ صبح 9 بجے سیکنڈری اسکول ون ، مولوی تمیز الدین خان روڈ (بالمقابل امریکن قونصلیٹ) میں منعقد ہوگا،فارم نمبر 16763 تا 19450 کا داخلہ ٹیسٹ گورنمنٹ عائشہ باوانی اکیڈمی شاہراہ فیصل میں منعقد ہوگا جبکہ ماسٹرز پروگرام میں داخلے کے خواہشمند امیدواروں کیلیے امتحانی مرکز این ای ڈی یونیورسٹی میں قائم کیا گیا ہے، داخلہ ٹیسٹ کا شیڈول جامعہ کراچی کی ویب سائٹ www.uok.edu.pk اور نیشنل ٹیسٹنگ سروس کی ویب سائٹ www.nts.org.pk پر بھی دیکھا جاسکتا ہے، ٹیسٹ کے نمونے جامعہ کراچی کی ویب سائٹ پر دیکھے جاسکتے ہیں۔