- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، چیف جسٹس
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
بابر اعظم کو بااختیار کپتان بنانے کا یقین دلا دیا گیا
کراچی: نیوزی لینڈ میں بابر اعظم ٹیسٹ قیادت بھی سنبھالیں گے جب کہ انھیں مکمل بااختیار کپتان بنانے کا یقین دلایا گیا ہے۔
پی سی بی نے گذشتہ برس اکتوبر میں اظہر علی کو سرفراز احمد کی جگہ قومی ٹیم کا کپتان مقرر کیا تھا مگر وہ ایک سال میں ہی حکام کے دل سے اتر گئے۔ دورہ انگلینڈ کے آخری ٹیسٹ میں انھوں نے سنچری بنا کر فارم میں واپسی کا اعلان کر دیا مگر پہلے ٹیسٹ میں ناکامی کی وجہ سے پاکستان کو سیریز گنوانا پڑی تھی۔
اظہر علی گذشتہ دنوں چیف سلیکٹر و ہیڈ کوچ مصباح الحق اور آل راؤنڈر محمد حفیظ کے ساتھ وزیر اعظم عمران خان سے ملاقات کیلیے گئے تھے، جہاں انھوں نے بے روزگار کرکٹرز کا مقدمہ پیش کیا، اس پر بورڈ حکام نے سرزنش بھی کی مگر اسی وقت محسوس ہونے لگا تھا کہ ان کی قیادت اب خطرے میں ہے۔
ذرائع نے بتایا کہ گوکہ میڈیا میں جمعرات کو اس حوالے سے خبریں آنا شروع ہوئیں مگر کئی دن قبل ہی چیئرمین پی سی بی احسان مانی نے بابر اعظم کو تیار رہنے کا کہہ دیا تھا،اس میٹنگ میں انھوں نے نوجوان بیٹسمین کو بتایا تھا کہ بورڈ ون ڈے اور ٹی ٹوئنٹی کی طرح ٹیسٹ میں بھی ان کو ہی قیادت سونپنا چاہتا ہے، بورڈ حکام نے انھیں بااختیار کپتان بنانے کا بھی یقین دلا دیا تھا۔
ذرائع نے مزید بتایا کہ گذشتہ روز جب محمد رضوان کو ٹیسٹ میں قیادت سونپنے کی خبریں سامنے آئیں تو بابر کو بھی اس پر حیرانی ہوئی جس پر بورڈ پس پردہ رہتے ہوئے بابر اعظم کا نام بطور فرنٹ رنر سامنے لایا، حکام چاہتے ہیں کہ تینوں طرز میں بابر کو طویل عرصے کے لیے ذمہ داری سونپی جائے، وہ سینئرز یا جونیئرز جس کے ساتھ آرام دہ محسوس کریں اپنی ٹیم بنائیں،اس سے جلد پاکستانی سائیڈ دوبارہ فتوحات کی راہ پر گامزن ہو جائے گی۔
دوسری جانب اظہر علی کے قریبی حلقے کہتے ہیں کہ انھیں بورڈ نے استعمال کر کے چھوڑ دیا،اگر کپتان بنایا تھا تو کچھ وقت تو دینا چاہیے تھا، اب اگر قیادت سے ہٹایا تو اس کی واحد وجہ صرف وزیر اعظم سے ملاقات ہی ہوگی۔
دریں اثنا چیئرمین احسان مانی اور بابر اعظم کی چند روز قبل ملاقات کے بارے میں جب نمائندہ ’’ایکسپریس‘‘ نے پی سی بی کے ڈائریکٹر میڈیا سمیع الحسن برنی سے استفسار کیا تو انھوں نے کہا کہ مجھے ایسی کسی ملاقات یا فیصلے کا علم نہیں ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔