پاکستانی سائیکلسٹ کا بغیرہینڈل اوربریک کے 3.5 ہزارکلومیٹرکا سفر

ویب ڈیسک  بدھ 2 دسمبر 2020
ہینڈل اوربریک کے بغیرسائیکل چلانا ایک مشکل اورخطرناک عمل ہے، سائیکلسٹ عطا اللہ بلوچ: فوٹو: انٹرنیٹ

ہینڈل اوربریک کے بغیرسائیکل چلانا ایک مشکل اورخطرناک عمل ہے، سائیکلسٹ عطا اللہ بلوچ: فوٹو: انٹرنیٹ

نوشکی: پاکستانی سائیکلسٹ کا بغیر ہینڈل اور بریک کے 3.5 ہزار کلو میٹر کا سفرطے کرکے سب کو حیران کردیا۔

بلوچستان کے علاقے نوشکی سے تعلق رکھنے والے عطاء اللہ بلوچ نے صبر اور عزم کے ساتھ بغیر ہینڈل اور بریک کے سائیکل پر 34 روز کا سفر(3467 کلو میٹر) مکمل کرکے سب کو حیران کردیا۔ عطاء اللہ بلوچ نے اس سفر کے لیے متعدد شہروں اوردیہات کا رخ کیا تاہم اب وہ اسلام آباد پہنچ گئے ہیں اور اب وہ گنیز ورلڈ ریکارڈ میں شامل ہونے کے لیے پر امید ہیں۔

اس متعلق عطاء اللہ بلوچ کا کہنا ہے کہ میں نے خود کواس کا عادی بنا لیا، اس سفرکے دوران میں نے روزانہ تقریبا 80 کلومیٹر اور بعض مرتبہ 120 کلو میٹر کا فاصلہ طے کیا۔ اس سفر کا مقصد امن اورمحبت کوپھیلانا ہے۔ میں دنیا بھرمیں گھوم کرپاکستان کا ایک مسلم اورپرامن ملک کے طورپرتعارف پیش کرنا چاہتا ہوں۔

عطاء اللہ کے مطابق ہینڈل اوربریک کے بغیرسائیکل چلانا ایک مشکل اورخطرناک عمل ہے، بالخصوص پہاڑی علاقوں میں لیکن ناممکن نہیں ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔