- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
امریکی ادارے ’ایف ڈی اے‘ نے فائزر کی کورونا ویکسین کی منظوری دیدی
واشنگٹن: امریکا نے بھی ملکی دوا ساز کمپنی فائزر اور جرمنی کی بائیوٹیک کمپنی کے اشتراک سے تیار کی جانے والی کورونا ویکسین کی منظوری دیدی۔
عالمی خبر رساں ادارے کے مطابق امریکی ادارے برائے غذا و دوا ’’ ایف ڈی اے‘‘ کے کمشنر ڈاکٹر اسٹیفن ہان کی جانب سے جاری بیان میں فائزر کی کورونا ویکسین کو محفوظ قرار دیتے ہوئے ہنگامی استعمال کے لیے منظوری دیدی۔
یہ خبر پڑھیں : بحرین کورونا ویکسین کی منظوری دینے والا پہلا اسلامی ملک بن گیا
فوڈ اینڈ ڈرگ ایڈمنسٹریشن کے کمشنر ہان نے اپنے بیان میں کہا کہ ایف ڈی اے کی پہلی کوویڈ 19 ویکسین کے ہنگامی طور پر استعمال کی اجازت اس تباہ کن وبائی بیماری سے نمٹنے کے لئے ایک اہم سنگ میل ہے جس نے ریاستہائے متحدہ اور پوری دنیا میں لاکھوں خاندانوں کو متاثر کیا ہے۔
فائزر کی اپنی ویکسین کی رجسٹریشن کے لیے درخواست پر ایف ڈی اے کے ایک مشاورتی کونسل نے ٹرائل کے سائنسی شواہد پر جرح کی تھی اور 22 میں سے 17 نے ہنگامی استعمال کی سفارش کی تھی تاہم 4 ارکان نے 16 سال سے کم عمر مریضوں میں استعمال پر تحفظات کا اظہار کیا تھا۔
— Donald J. Trump (@realDonaldTrump) December 12, 2020
فوڈ اینڈ ڈرگ ایڈمنسٹریشن دوا کا معیار جانچنے کا معتبر ادارہ ہے جس سے منظور ہونے والی دوا دنیا بھر میں قابل بھروسہ سمجھی جاتی ہے۔ درجن سے زائد ویکسینز کی دوڑ میں فائزر نے ایف ڈی اے سے منظوری لیکر سبقت حاصل کر لی ہے۔
یہ خبر پڑھیں : دنیا کی پہلی کورونا ویکسین برطانیہ کی 90 سالہ خاتون کو لگا دی گئی
فائزر اور بائیوٹیک کے اشتراک سے تیار ہونے والی کورونا ویکسین کی اجازت سب سے پہلے برطانیہ دی جہاں ویکسینیشن کا عمل بخوبی جاری ہے، اس کے بعد بحرین نے بھی ہنگامی اجازت دی جب کہ کینیڈا اور سعودی عرب میں بھی اس ویکسین کا جلد استعمال شروع کیا جائے گا۔
دنیا بھر میں کورونا سے متاثر ہونے والوں ممالک میں امریکا سرفہرست ہے جہاں اس وائرس سے متاثر ہونے والوں کی تعداد ڈیڑھ کروڑ سے زائد ہوگئی ہے جب کہ اس مہلک وائرس سے ہلاک ہونے والوں کی تعداد 2 لاکھ 87 ہزار سے تجاوز کرگئی ہے۔
واضح رہے کہ دنیا بھر میں اس ہلاکت خیز وبا کی ویکسین کی تیاری جاری ہے، چین کی ویکسین کے ٹرائل بھی کئی ممالک میں جاری ہیں اس کے علاوہ روس نے بھی مقامی سطح پر تیار کردہ ویکسین کا استعمال شروع کردیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔