اپوزیشن ملکی مفادات کے مخالف ایجنڈے پر چل رہی ہے، عثمان بزدار

ویب ڈیسک  اتوار 28 فروری 2021
پی ڈی ایم ذاتی مفادات کا تحفظ چاہتی ہے، عثمان بزدار فوٹو: فائل

پی ڈی ایم ذاتی مفادات کا تحفظ چاہتی ہے، عثمان بزدار فوٹو: فائل

 لاہور: وزیر اعلیٰ پنجاب عثمان بزدار کا کہنا ہے کہ اپوزیشن ملکی مفادات کے مخالف ایجنڈے پر چل رہی ہے۔

لاہور سے جاری اپنے بیان عثمان بزدار کا کہنا تھا کہ معیشت درست ٹریک پر آچکی ہے، عمران خان کی قیادت میں پاکستان ترقی کے سفر کے لیے ٹیک آف کرچکا ہے۔ کورونا کے باوجودکاروباری سرگرمیوں میں تیزی آرہی ہے۔ موجودہ حالات میں افراتفری کی سیاست کی رتی بھر بھی گنجائش نہیں۔

عثمان بزدار کا کہنا تھا کہ عوام ترقی وخوشحالی چاہتے ہیں افراتفری نہیں لیکن اپوزیشن عناصر انتشار پھیلا کر ترقی کو روکنے کے درپے ہیں۔ مجھے افسوس ہے کہ اپوزیشن ملکی مفادات کے مخالف ایجنڈے پر چل رہی ہے۔ پی ڈی ایم کو ملکی ترقی عزیز نہیں بلکہ ذاتی مفادات کا تحفظ چاہتی ہے۔

دوسری جانب وزیراعلٰی پنجاب کی معاون خصوصی برائے اطلاعات فردوس عاشق اعوان اپنی ٹوئٹ میں کہا کہ کرپٹ شاہی خاندان کی جانشینی کے امیدوار کی کرپشن کیسز میں ضمانت پر جشن، بھنگڑے لمحہ فکریہ ہے، غنڈہ گردی اور کرپشن کا بے تاج بادشاہ اپنے سیاہ کرتوتوں کا جواب دینے کی بجائے لاہور کی سڑکوں پر بھٹکتا اور آہ و بکا کرتا رہا۔ دراصل اُس این آر او کا سوال کررہا تھا جو نہ تو اس کے بڑوں کو ملا نہ اسے ملے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔