ڈپٹی اسپیکر قومی اسمبلی کورونا وائرس کا شکار ہوگئے

ڈپٹی اسپیکر قومی اسمبلی نے کورونا ٹیسٹ مثبت آنے کے بعد خود کو گھر پر قرنطینہ کرلیا ہے(فوٹو، فائل)

---

KARACHI: قومی اسمبلی کے ڈپٹی اسپیکر قاسم سوری کا کورونا ٹیسٹ مثبت آگیا۔

ملک میں کرونا وائرس کے وار جاری ہیں اور ڈپٹی اسپیکر قومی اسمبلی قاسم سوری کا کرونا ٹیسٹ بھی مثبت آگیا ہے۔ ٹیسٹ مثبت آنے کے بعد قاسم سوری نے خود کو گھر میں قرنطینہ کرلیا ہے۔

ڈپٹی اسپیکر نے اپنے ایک ٹوئٹ میں بتایا کہ میرا کورونا ٹیسٹ پازیٹیو آ گیا ہے دو تین دنوں سے ہلکا سا بخار اور سر میں درد تھا، آپ سب سے اپنی خاص دعاؤں میں یاد رکھنے کی درخواست ہے، اللہ تعالیٰ سب کو اس موذی وائرس سے محفوظ رکھے۔ انہوں نے عوام سے اپیل کی کہ براہِ کرم اس تیسری لہر کو سنجیدگی سےلیں اور خاص طور پر اپنے بزرگوں کو کورونا ویکسین لازمی لگوائیں۔

میرا کورونا ٹیسٹ پازیٹیو آ گیا ہے دو تین دنوں سے ہلکا سا بخار اور سر میں درد تھا، آپ سب سے اپنی خاص دعاؤں میں یاد رکھنے کی درخواست ہے، اللہ تعالیٰ سب کو اس موذی وائرس سے محفوظ رکھے، براہِ کرم اس تیسری لہر کو سنجیدگی سےلیں اور خاص طور پر اپنے بزرگوں کو کورونا ویکسین لازمی لگوائیں۔

— Qasim Khan Suri (@QasimKhanSuri) March 10, 2021

یہ خبربھی پڑھیے: کورونا وبا؛ مختلف شہروں میں 2 ہفتوں کے لئے تعلیمی ادارے بند کرنے کا اعلان

واضح رہے کہ ملک میں کورونا وائرس کے کیسز میں ایک بار اضافہ دیکھنے میں آرہا ہے۔ کورونا وائرس کی بدلتی صورت حال کے پیش نظر این سی او سی نے بھی کئی اہم فیصلے کیے ہیں جن میں تمام تجارتی سرگرمیوں پر رات 10 بجے بند کرنے کی حد فوری نافذ کرنے اور 15 مارچ سے شادی ہالز، انڈور ڈائننگ اور سینما گھروں اور زیارتوں کو کھولنے کی اجازت دینے کے پہلے فیصلے کو واپس لینے جیسے اقدامات شامل ہیں۔