پی آئی اے کی پرواز قومی ٹیم کو لیکر جنوبی افریقا روانہ

یہ پہلا پاکستانی پرچم بردار جہاز ہوگا جو جنوبی افریقا کی سرزمین پر اترے گا، ترجمان پی آئی اے۔ فوٹو پی سی بی

---

تاریخ میں پہلی بار پی آئی اے کی پرواز قومی ٹیم کو لیکر جنوبی افریقا کے لیے روانہ ہوگئی۔

ترجمان پی آئی اے کے مطابق تاریخ میں پہلی بار پاکستان سے جنوبی افریقا کے لیے براہ راست پرواز روانہ ہوگئی ہے، پی آئی اے کا خصوصی طیارہ لاہور سے قومی کرکٹ ٹیم کو لیکر جوہانسبرگ کے لیے روانہ ہوا جو 11 گھنٹے کی مسافت کے بعد جنوبی افریقا پہنچے گا۔

#SAvPAK #HarHaalMainCricket #BackTheBoysInGreen pic.twitter.com/lkB4LuaQcp

- Pakistan Cricket (@TheRealPCB) March 26, 2021

اس خبر کو بھی پڑھیں : پی آئی اے کا پہلی بار لاہور تا ساؤتھ افریقا براہ راست پرواز کا اعلان

ترجمان پی آئی اے کا کہنا ہے کہ یہ پہلا پاکستانی پرچم بردار جہاز ہوگا جو جنوبی افریقا کی سرزمین پر اترے گا جب کہ 27 مارچ کو جوہانسبرگ سے اسی طیارے میں پاکستانی لاہور پہنچیں گے۔