عوام کا خود کش حملہ آور کو روک کر جام شہادت پانیوالے اعتزاز حسن کو نشان حیدر دینے کا مطالبہ

اعتزازحسن نے 6 جنوری کو خودکش بمبار کو اسکول میں داخل ہونے سے روک کر اپنی جان کا نذارانہ پیش کیا۔

---

سوشل میڈیا پر پاکستانی نوجوانوں کی ایک بڑی تعداد نے اپنے اسکول پر خود کش حملہ روکنے کے لئے اپنی جان دینے والے طالب علم اعتزازحسن کے لئے نشان حیدر کا مطالبہ کیا ہے۔

اعتزاز حسن کے بھائی مجتبیٰ حسن کا ایکسپریس ٹریبیون سے بات کرتے ہوئے کہنا تھا کہ انہیں اس بات کا بالکل بھی اندازہ نہیں تھا کہ ان کے بھائی کو اتنی اعلیٰ درجے کی موت نصیب ہو گی، حکومت کو اعتزاز کے لئے تمغہ شجاعت یا نشان حیدر کا علان کرنا چاہئے۔

پاکستان تحریک انصاف کے سربراہ عمران خان کا کہنا تھا کہ ہنگو کے نوجوان شہید اعتزاز کا خون رائیگاں نہیں جائے گا، وفاقی اور صوبائی حکومت کو اعتزاز کی شہادت کو قبول کرنا چاہئے جس نے دوسروں کی جان بچاتے ہوئے جام شہادت نوش کیا۔

KP govt as well as federal govt must recognise the sacrifice of young Aitzaz who embraced shahadat to save others.

— Imran Khan (@ImranKhanPTI) January 9, 2014

Sacrifice of young teenager from Hangu Shaheed Aitzaz who gave his life to save others from a suicide bomber will not go in vain InshaAllah.

— Imran Khan (@ImranKhanPTI) January 9, 2014

پاکستان کی ایک سینئیر صحافی اور تجزیہ نگار نسیم زہرا نے ٹویٹر پر وزیراعظم نوازشریف سے مطالبہ کیا ہے کہ اعتزاز حسن کو قومی ہیرو کا درجہ دیا جائے اور اسے پاکستان کے سب سے بڑے فوجی اعزاز نشان حیدر سے نوازا جائے۔

We the citizens believe that State of Pk must award Nishan-i-Haider to Pk's brave son Shaheed Aitezaz #onemillionaitzaz @betterpakistan

— Nasim Zehra (@NasimZehra) January 9, 2014

Mr.PrimeMinister v the citizens believe that State of Pk must award Nishan-i-Haider to Pk's brave son Shaheed Aitezaz #onemillionaitzaz

— Nasim Zehra (@NasimZehra) January 9, 2014

واضح رہے کہ ہنگو میں گورنمنٹ ہائی اسکول ابراہیم زئی کے نوجوان طالب علم اعتزازحسن نے 6 جنوری کو خودکش بمبار کو اسکول میں داخل ہونے سے روک کر اپنی جان کا نذارانہ پیش کیا اور بہت سے طالب علم علموں کی جان بچا ئی، ان کی شہادت کی خبر کے بعد سوشل میڈیا پر بڑی تعداد میں نوجوانوں کا مطالبہ ہے کہ اعتزاز کو اس کی بہادری کی بنا پر نشان حیدر سے نوازا جائے۔