- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- گونگا بچہ کیوں پیدا کیا؛ طعنوں پر ماں نے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
- کراچی میں اسٹریٹ کرائم کیلیے آن لائن اسلحہ فراہم کرنے والا گینگ گرفتار
- کراچی میں شہریوں کے تشدد سے 2 ڈکیت ہلاک، ایک شدید زخمی
- صدر ممکت سرکاری دورے پر کوئٹہ پہنچ گئے
- عوامی مقامات پر لگے چارجنگ اسٹیشنز سے ہوشیار رہیں
- روزمرہ معمولات میں تنہائی کے چند لمحات ذہنی صحت کیلئے ضروری
- برازیلین سپرمین کی سوشل میڈیا پر دھوم
- سعودی ریسٹورینٹ میں کھانا کھانے سے ایک شخص ہلاک؛ 95 کی حالت غیر
- وقاص اکرم کی چیئرمین پی اے سی نامزدگی پر شیر افضل مروت برہم
- گندم اسکینڈل پر انکوائری کب کرنی ہے؟ اسلام آباد ہائیکورٹ کا نیب پراسیکیوٹر سے استفسار
- ایٹمی طاقت رکھنے والے پاکستان نے چوڑیاں نہیں پہن رکھیں؛ فاروق عبداللہ
- جماعت اسلامی کا احتجاجی مظاہرہ، تعلیمی اداروں میں مقابلہ موسیقی منسوخی کا مطالبہ
- مئی اور جون میں ہیٹ ویو کا الرٹ؛ جنوبی پنجاب اور سندھ متاثر ہونگے
- سوات : 13 سالہ بچی سے نکاح کرنے والا 70 سالہ شخص، نکاح خواں اور گواہ زیر حراست
- امریکا نے پہلی بار اسرائیل کو گولہ بارود کی فراہمی روک دی
افغان مریضوں کےلیے پاکستان میں علاج کی جدید ترین سہولیات متعارف
اسلام آباد: رحمان میڈیکل انسٹی ٹیوٹ، پاکستان انٹرنیشنل ایئر لائن اور اسکائی ٹریولز کے مابین افغانستان سے علاج کےلیے پاکستان آنے والے مریضوں کو جدید طبی سہولیات فراہم کرنے کی غرض سے معاہدے پر دستخط کیے گئے۔
معاہدے کے تحت افغان مریضوں کا رحمان میڈیکل انسٹی ٹیوٹ کے جانب سے کم لاگت پر بہترین علاج کیا جائے گا جس کے تحت کم لاگت میں سرجری/ آپریشن بھی شامل ہیں، تاکہ زیادہ سے زیادہ مریضوں کو صحت کی سہولت میسر آسکے۔
معاہدے پر دستخط کے موقعے پر پی آئی اے کے چیف ایگزیکٹیو آفیسر ایئر مارشل ارشد ملک، رحمان میڈیکل انسٹی ٹیوٹ کے چیف ایگزیکٹیو آفیسر شفیق الرحمان، محمد ریضا قاسمی، مینیجنگ ڈائریکٹر اسکائی ٹریولز، رحمان میڈیکل انسٹی ٹیوٹ ہیڈ آف مارکیٹنگ طراب گیلانی، رحمان میڈیکل انسٹی ٹیوٹ ہیڈ آف ڈیپارٹمنٹ طارق خان موجود تھے۔
تقریب کے دیگر شرکاء میں سرکاری اور میڈیا نمائندوں کے علاوہ ڈاکٹروں نے بھی شرکت کی۔
واضح رہے کہ افغان مریضوں کو بہت عرصے سے صحت کے سلسلے میں مشکلات کا سامنا تھا، جس کےلیے انہیں اکثر اوقات بھارت جانا پڑتا تھا جو نہ صرف بہت مشکل بلکہ نہایت مہنگا علاج بھی تھا۔ اسی کے ساتھ انہیں ویزہ کی مشکلات کا سامنا بھی رہتا تھا۔
پاکستان کے ساتھ نئے معاہدے کے تحت تمام مریضوں کو آسان ویزہ دیا جائے گا جبکہ بہترین علاج بھی یقینی بنایا جائے گا۔
چیف ایگزیکٹیو آفیسر پی آئی اے، ایئر مارشل ارشد ملک نے تقریب کے دوران اپنے خیالات کا اظہار کرتے ہوئے بتایا کہ پی آئی اے نے افغانستان کےلیے پروازوں کی تعداد 3 سے بڑھا کر 5 کر دی ہے۔ اس کے ساتھ ساتھ حکومت نے ویزہ کا حصول بھی آسان بنا دیا ہے۔ انہوں نے مزید کہا کہ رحمان میڈیکل انسٹی ٹیوٹ پشاور میں اپنی نوعیت کا منفرد اور جدید اسپتال ہے۔ افغانستان سے آنے والے مریضوں کو یہاں تمام طبی سہولیات کم قیمت میں میسر ہوں گی۔
رحمان میڈیکل انسٹی ٹیوٹ کے چیف ایگزیکٹیو آفیسر شفیق الرحمان نے اظہارِ خیال کرتے ہوئے کہا کہ افغانستان سے آنے والے مریضوں کےلیے یہ معاہدہ ایک خوش آئند اقدام ہے۔ افغانستان، پاکستان کا پڑوسی ملک ہے۔ ہم آنے والے تمام مریضوں کو ہر ممکن طبی سہولت، کم سے کم وقت میں فراہم کریں گے۔
رحمان میڈیکل انسٹی ٹیوٹ 500 بستروں پر مشتمل ایک ہمہ جہتی اسپتال ہے جہاں 37 سے زائد خصوصی امراض کا علاج کیا جاتا ہے۔ مریضوں کی سہولت کےلیے آن لائن چیک اپ کی اضافی سہولت بھی دستیاب ہوگی۔
محمد ریضا قاسمی، مینیجنگ ڈائریکٹر اسکائی ٹریولز نے کہا کہ افغان مریضوں کی رہنمائی اور پاکستان میں علاج کی سہولت سے متعلق آگاہی کےلیے انہوں نے اپنی ٹیم کو تربیت فراہم کی ہے تاکہ وہ مر یضوں کی مکمل رہنمائی کرسکیں۔ 2016 تک پاکستان، افغانستان کے مریضوں کےلیے پہلے نمبر پر رہا کیونکہ پاکستان اور افغانستان کا کلچر اور زبان مشترک ہیں جبکہ پاکستان سے علاج بھارت کے مقابلے میں انتہائی کم خرچ ہوتا ہے۔
بتاتے چلیں کہ علاج کی غرض سے ایک ملک سے دوسرے ملک جانے کےلیے ’’طبّی سیاحت‘‘ (میڈیکل ٹوورزم) کی اصطلاح استعمال کی جاتی ہے۔ میڈیکل ٹوورزم ایک بین الاقوامی صنعت بن چکی ہے جس کا عالمی حجم تقریباً 105 ارب ڈالر ہوچکا ہے۔
افغانستان کے ہزاروں مریضوں کو جدید طبی سہولیات درکار ہیں جو افغانستان میں میسر نہیں۔ علاوہ ازیں، افغانستان میں آج بھی صحت سے متعلق سہولیات کا فقدان ہے۔
رحمان میڈیکل انسٹی ٹیوٹ، پی آئی اے اور اسکائی ٹریولز میں معاہدے کی بدولت پاکستان میں افغان مریضوں کےلیے خصوصی سہولت میسر ہوگی۔ انھیں کم لاگت پر بہترین طبی امداد، رہنمائی، آن لائن چیک اپ، لیبارٹری، سرجری اور آپریشن وغیرہ کی تمام سہولیات کم سے کم وقت میں فراہم کی جائیں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔