بے نظیر انکم سپورٹ پروگرام کے کفالت پروگرام کے ذریعے 1104ارب روپے تقسیم

بی آئی ایس پی سے مستفید ہونے والے مستحقین میں ملک بھر سے 66 لاکھ 56 ہزار869 نادار و غریب خواتین شامل ہیں فوٹو: فائل

---

بے نظیر انکم سپورٹ پروگرام کے اجراء سے اب تک کفالت پروگرام کے ذریعے مستحقین میں مجموعی طور پر11 کھرب 4 ارب (1104ارب)روپے تقسیم کئے جاچکے، بی آئی ایس پی سے مستفید ہونے والے مستحقین میں ملک بھر سے 66 لاکھ56 ہزار869 نادار و غریب خواتین شامل ہیں۔

بینظیر انکم سپورٹ پروگرام کے اجراء سے اب تک مستحق خواتین میں تقسیم کردہ امدادی رقوم کی تفصیلات سامنے آگئی ہیں۔ دستاویز کے مطابق بینظیر انکم سپورٹ پروگرام کے اجراء سے اب تک کفالت پروگرام کے ذریعے مستحقین میں مجموعی طور پر11 کھرب 4 ارب (1104ارب) روپے تقسیم کئے جاچکے۔

بی آئی ایس پی سے مستفید ہونے والے مستحقین میں ملک بھر سے 66 لاکھ 56 ہزار 869 نادار و غریب خواتین شامل ہیں۔ بی آئی ایس پی سے مستفید ہونے والے مستحق خواتین میں پنجاب کے27 لاکھ 30 ہزار، سندھ کے20 لاکھ7 ہزار، خیبرپختونخوا کے 14لاکھ41 ہزار، بلوچستان کے3 لاکھ 23 ہزار، آزاد کشمیر کے 94 ہزار، گلگت بلتستان کے53 ہزار جب کہ اسلام آباد کے 7 ہزار سے زائد خاندان شامل ہیں۔