- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
- اسموگ تدارک کیس: ڈپٹی ڈائریکٹر ماحولیات لاہور، ڈپٹی ڈائریکٹر شیخوپورہ کو فوری تبدیل کرنیکا حکم
- سابق آسٹریلوی کرکٹر امریکی ٹیم کو ہیڈکوچ مقرر
- ہائی کورٹس کے چیف جسٹسز کے صوابدیدی اختیارات سپریم کورٹ میں چیلنج
- راولپنڈٰی میں بیک وقت 6 بچوں کی پیدائش
- سعودی معاون وزیر دفاع کی آرمی چیف سے ملاقات، باہمی دلچسپی کے امور پر گفتگو
- پختونخوا؛ دریاؤں میں سیلابی صورتحال، مقامی لوگوں اور انتظامیہ کو الرٹ جاری
- بھارت میں عام انتخابات کے پہلے مرحلے کا آغاز،21 ریاستوں میں ووٹنگ
- پاکستانی مصنوعات خریدیں، معیشت کو مستحکم بنائیں
- تیسری عالمی جنگ کا خطرہ نہیں، اسرائیل ایران پر براہ راست حملے کی ہمت نہیں کریگا، ایکسپریس فورم
- اصحابِ صُفّہ
- شجر کاری تحفظ انسانیت کی ضمانت
- پہلا ٹی20؛ بابراعظم، شاہین کی ایک دوسرے سے گلے ملنے کی ویڈیو وائرل
- اسرائیل کا ایران پرفضائی حملہ، اصفہان میں 3 ڈرون تباہ کردئیے گئے
- نظامِ شمسی میں موجود پوشیدہ سیارے کے متعلق مزید شواہد دریافت
- اہم کامیابی کے بعد سائنس دان بلڈ کینسر کے علاج کے لیے پُرامید
- 61 سالہ شخص کا بائیو ہیکنگ سے اپنی عمر 38 سال کرنے کا دعویٰ
- کراچی میں غیرملکیوں کی گاڑی پر خودکش حملہ؛ 2 دہشت گرد ہلاک
- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
انگلینڈ نے پاکستان کو ون ڈے کے بعد ٹی ٹوئنٹی میں بھی شکست دے دی
مانچسٹر: انگلینڈ نے ون ڈے سیریز کے بعد اب پاکستان کو ٹی ٹوئنٹی سیریز میں بھی شکست دے دی۔
مانچسٹر میں کھیلے جارہے سیریز کے تیسرے اور آخری ٹی ٹوئنٹی میچ میں پاکستان نے پہلے بیٹنگ کرتے ہوئے مقررہ 20 اوورز میں 6 وکٹ کے نقصان پر 154 رنز بنائے۔
انگلینڈ کی جانب سے بیٹنگ کا آغاز جیسن روئے اور جوز بٹلر نے کیا۔ ساتویں اوور میں انگلینڈ کی پہلی وکٹ گری جو کہ جوز بٹلر کی تھی۔ 22 گیندوں پر 21 رنز بنانے کے بعد بٹلر شاداب خان کی گیند پر بابر اعظم کو کیچ دے بیٹھے۔ ان کے بعد ڈیوڈ میلان کریز پر پہنچے۔
دسویں اوور میں ٹیم کے 92 کے اسکور پر اوپنر جیسن روئے عثمان قادر کی گیند پر فخر زمان کے ہاتھوں کیچ آؤٹ ہوئے۔ انہوں ںے 36 بالز پر جارحانہ 64 رنز بنائے جن میں 12 چوکے اور ایک چھکا شامل ہیں۔ ان کے بعد آنے والے جونی بیئراسٹو بھی دو اوور کے بعد ہی 5 رنز بناکر کیچ آؤٹ ہوگئے۔
ڈیوڈ میلان نے 33 گیندوں پر 31 رنز، آئن مورگن نے 21، معین علی نے ایک اور لیام لیونگ اسٹون چھ رنز بنائے۔
انگلینڈ نے دو بالز قبل اور سات کھلاڑیوں کے نقصان پر 155 رنز کا ہدف حاصل کرکے پاکستان کو 3 وکٹ سے شکست دی۔ قبل ازیں ون ڈے سیریز بھی انگلینڈ اپنے نام کرچکا ہے۔
بالنگ سائیڈ میں حفیظ نے تین جبکہ شاداب خان، عثمان قادر، حسن علی اور عماد وسیم نے ایک ایک وکٹ حاصل کی۔
پاکستان بیٹنگ
اس سے قبل میچ کا ٹاس قومی ٹیم کے کپتان بابراعظم نے جیت کر پہلے خود بیٹنگ کرنے کا فیصلہ کیا۔ کپتان بابراعظم اور محمد رضوان نے ٹیم کو 42 رنز کا آغاز فراہم کیا تاہم بابراعظم کے آؤٹ ہوتے ہی قومی ٹیم کی بیٹنگ لائن ایک بار پھر ناکام ہوگئی۔
بابراعظم 11 رنز بناکر آؤٹ ہوئے، صہیب مقصود 13، محمد حفیظ 1، شاداب خان 2 اور عماد وسیم 3 رنز بناکر آؤٹ ہوئے۔ محمد رضوان نے فخرزمان کے ساتھ ملکر 45 رنز کی شراکت قائم کی لیکن فخرزمان 24 رنز بنانے کے بعد آؤٹ ہوگئے۔ حسن علی نے 15 رنز بنائے۔
محمد رضوان نے نصف سنچری اسکور کی اور 76 رنز پر ناٹ آؤٹ رہے۔ وہ آخری لمحات تک وکٹ پر رک کر اسکور کرنے کی کوشش کی تاہم وہ ٹیم کو بڑا ٹوٹل دینے میں ناکام رہے۔ انگلینڈ کی جانب سے عادل رشید نے 4 اور معین علی نے ایک وکٹ حاصل کی۔
قومی ٹیم میں 2 تبدیلیاں کی گئی ہیں، اعظم خان اور حارث رؤف کی جگہ حسن علی اور عثمان قادر کو ٹیم میں شامل کیا گیا ہے جب کہ انگلش ٹیم میں کپتان ایون مورگن اور ڈیوڈ ویلی کی واپسی ہوئی ہے۔
واضح رہے پاکستان نے پہلے میچ میں انگلینڈ کو 31 رنز سے شکست دی تھی جب کہ دوسرے میچ میں قومی ٹیم کو شکست کا سامنا کرنا پڑا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔