- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 59 ہوگئیں، 72 زخمی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
چھاپے کے دوران شلپا اور راج کے درمیان کیا ہوا؟ ممبئی پولیس نے سارا پول کھول دیا
ممبئی: پورنو گرافی کیس میں گرفتار بھارتی بزنس مین راج کندرا اور ان کی اہلیہ اداکارہ شلپا شیٹھی کے درمیان پولیس چھاپے کے دوران کیا ہوا ممبئی پولیس نے سارا پول کھول دیا۔
بھارتی بزنس مین، پروڈیوسر اور اداکارہ شلپا شیٹھی کے شوہر راج کندرا کو فحش فلمیں بنانے اور انہیں موبائل ایپ پر اپ لوڈ کرنے کے الزام میں ممبئی پولیس کرائم برانچ نے 19 جولائی کی رات گرفتار کیا تھا۔ گرفتاری کے چار دن بعد 23 جولائی جمعہ کے روز انہیں پہلی بار گھر لایا گیا تھا۔ ممبئی پولیس کرائم برانچ نے راج اور شلپا کی جوہو کے علاقے میں قائم ان کی رہائشگاہ پر چھاپہ مارا تھا اور اس دوران حکام نے شلپا شیٹھی سے 6 گھنٹوں تک پوچھ گچھ بھی کی تھی۔
یہ بھی پڑھیں: فحش فلمیں بنانے کے الزام میں شلپا شیٹھی کے شوہر راج کندرا گرفتار
بھارتی میڈیا کی رپورٹس کے مطابق شوہر کے فحش فلموں کے کیس میں گرفتار ہونے کے بعد شلپا شیٹھی ٹوٹ چکی تھیں۔ ممبئی پولیس کرائم برانچ نے جب راج کندرا کے گھر چھاپہ مارا تو اس وقت شلپا شیٹھی اور ان کے شوہر کے درمیان لڑائی ہوئی تھی۔
شلپا شیٹھی اپنے شوہر کی حرکتوں کی وجہ سے اتنی پریشان تھیں کہ وہ ان پر چلانے لگی تھیں یہاں تک کہ ٹیم کو ان کو پرسکون کرنے کے لئے مداخلت کرنا پڑی۔
یہ بھی پڑھیں: پولیس نے راج کندرا کے گھر سے 70 فحش فلمیں برآمد کرلیں
ممبئی پولیس ذرائع کے مطابق شلپا شیٹھی حکام کے سامنے جذبات پر قابو نہ رکھ سکی تھیں اور اپنا آپا کھو بیٹھی تھیں۔ رپورٹس کے مطابق انہیں اپنے شوہر پر چلاتے ہوئے سنا گیا ’ہمارے پاس سب کچھ ہے، تو تمہیں یہ سب کرنے کی کیا ضرورت تھی‘۔
ممبئی پولیس نے یہ بھی دعویٰ کیا کہ شلپا شیٹھی نے راج کندرا سے مزید کہا تھا کہ ان کے خاندان کی ساکھ تباہ ہوگئی ہے، انہیں بہت سارے پراجیکٹس سے ہاتھ دھونے پڑے اور ان کے گھر والوں کو مالی نقصان برداشت کرنا پڑا۔ اس کے علاوہ شلپا شیٹھی نے معاشرے میں ایک مقام ہونے کے باوجود اپنے شوہر سے ان کے مبینہ اقدامات کی وجہ بھی پوچھی۔
یہ بھی پڑھیں: راج کندرا کی پول کھولنے کے بعد بھارتی ماڈل کو جان سے مارنے کی دھمکیاں
دوسری جانب پوچھ گچھ کے دوران پولیس کو شلپا شیٹھی کے فحش فلموں کے کیس میں ملوث ہونے کے کوئی ثبوت نہیں ملے۔ پولیس نے اداکارہ سے دو بار پوچھ گچھ کی تھی ایک بار پولیس اسٹیشن میں اور دوسری بار ان کی جوہو میں قائم رہائشگاہ پر۔
یہ بھی پڑھیں: شلپا شیٹھی شوہر راج کندرا کی حمایت میں کھل کر سامنے آگئیں
حکام کا یہ بھی کہنا ہے کہ راج کندرا تحقیقات میں پولیس کے ساتھ تعاون نہیں کررہے ہیں۔ انہوں نے اپنی گرفتاری کو بھی بومبے ہائی کورٹ میں چیلنج کردیا ہے۔ اس کیس میں راج کندرا کے قریبی ساتھی ریان تھورپے سمیت 9 افراد پولیس کی حراست میں ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔