تاجروں نے سندھ حکومت کے لاک ڈاؤن کے فیصلے کو مسترد کردیا

ویب ڈیسک  جمعـء 30 جولائی 2021
سندھ حکومت کورونا وائرس کو پھیلنے سے روکنے میں ناکام رہی، اجمل بلوچ

سندھ حکومت کورونا وائرس کو پھیلنے سے روکنے میں ناکام رہی، اجمل بلوچ

آل پاکستان انجمن تاجران کے صدر اجمل بلوچ  نے سندھ حکومت کے مکمل لاک ڈاؤن کے فیصلے کو مسترد کردیا۔

اجمل بلوچ نے بیان میں کہا کہ سندھ حکومت کرونا وائرس کو پھیلنے سے روکنے میں ناکام رہی، سندھ حکومت تاجروں کی ویکسینیشن کا عمل ہنگامی طور پر مکمل کرے اور کورونا پر قابو پانے کی ناکامی پر تاجروں پر ظلم نہ کرے۔

اجمل بلوچ کا کہنا تھا کہ تاجر برادری کو مشکلات میں نہ ڈالا جائے بلکہ کاروبار کرنے دیا جائے، تاجر برادری کو معاشی طور پر کمزور کرنا ملک کو کمزور کے مترادف ہے، کراچی شہر ملک کا کاروباری حب ہے مکمل لاک ڈاؤن سے اس کا اثر پورے ملک پر پڑے ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔