سیف کرینہ کے دوسرے بیٹے کے نام پر ایک بار پھرسوشل میڈیا پر ہنگامہ

سیف کرینہ کے دوسرے بیٹے کی پیدائش کے چند ماہ بعد یہ خبر سامنے آئی تھی کہ انہوں نے بیٹے کا نام ’جے‘رکھا ہے

ویب ڈیسک August 10, 2021

کرینہ نے کتاب کے آخری صفحات تک اپنے دوسرے بیٹے کو ’’جے‘‘کے نام سے پکارا ہے، فوٹوسوشل میڈیا

بھارتی نواب سیف علی خان اور ان کی بیگم کرینہ کپور کے دوسرے بیٹے کا نام سامنے آنے پر ایک بار پھر سوشل میڈیا پر ہنگامہ کھڑا ہوگیا اور ٹوئٹر پر دونوں کو ایک بار پھر اپنے بیٹے کا مسلم نام رکھنے پر تنقید کا نشانہ بنایا جارہاہے۔

بالی ووڈ میں چھوٹے نواب سے مشہور اداکار سیف علی خان اور ان کی اہلیہ اداکارہ کرینہ کپور نے جب اپنے بڑے بیٹے کا نام تیمور علی خان رکھا تھا تو اس وقت پورے بھارت میں ہنگامہ کھڑا ہوگیا تھا اورہندو انتہا پسندوں نے دونوں کو بیٹے کانام 'تیمور علی خان' رکھنے پر خوب تنقید کا نشانہ بنایا تھا۔

یہ بھی پڑھیں: کرینہ کپور کے دوسرے بچے کی تصویر سوشل میڈیا پر وائرل؟

اس طرح کی صورتحال دوبارہ پیدا نہ ہو اسلیے جب سیف اور کرینہ کےدوسرے بیٹے کی پیدائش ہوئی تو انہوں نے کئی ماہ تک اپنے بیٹے کا نام اور تصویر میڈیا پر شیئر نہیں کی۔ تاہم دوسرے بیٹے کی پیدائش کے چند ماہ بعدیہ خبر سامنے آئی کہ انہوں نے اپنے دوسرے بیٹے کا نام ''جے'' رکھا ہے۔

لیکن اب بالآخر دونوں کے دوسرے بیٹے کا اصلی نام منظر عام پر آگیا ہے۔ حال ہی میں کرینہ کپور نے اپنی کتاب ''کرینہ کپور خانز پریگنینسی بائبل'' متعارف کروائی ہے۔ جس میں انہوں نے کتاب کے آخری صفحات تک اپنے دوسرے بیٹے کو ''جے'' کے نام سے پکارا ہے۔ لیکن کتاب کے آخری صفحات کرینہ کے حمل کے دوران اور بعد کی تصاویرپر مشتمل ہیں۔ اور تصویر کے کیپشن میں انہوں نے اپنے دوسرے بیٹے کا نام ''جہانگیر علی خان'' لکھا ہے۔ اور اسی کتاب کے آخری صفحے پر کرینہ نے پہلی بار اپنے دوسرے بیٹے کی تصویر بھی ظاہر کی ہے۔

سیف اور کرینہ کے دوسرے بیٹے کا نام منظرعام پر آتے ہی ایک بار پھر بھارتی سوشل میڈیا پر اس نام کو لے کر ہنگامہ کھڑا ہوگیا اور بھارتی صارفین پھر سے دونوں کو تنقید کا نشانہ بنارہے ہیں۔ ایک صارف نے سیف علی خان پر تنقید کرتے ہوئے کہا تیموراور جہانگیر کے بعد شاید اگلا نام شاہجہاں اور اورنگزیب ہوسکتا ہے۔ سیف علی خان مغل بادشاہت کو زندہ کرنے کی کوشش کررہے ہیں۔

https://twitter.com/Priyank74578673/status/1424959419511500807

کچھ لوگ سیف کرینہ کے دوسرے بیٹے کے نام کو لے کر سوشل میڈیا پر کی جانے والی تنقید پر طنز کررہے ہیں۔

BREAKING: #SaifAliKhan and #KareenaKapoorKhan name their second child Jehangir.

Le bhakt pic.twitter.com/CsrwSybUa5
— STALIN (@Stalinrx) August 10, 2021

کچھ لوگ تو کرینہ اور سیف کے دونوں بیٹوں کے نام سے اتنے نالاں نظر آئے کہ انہوں نے مغل بادشاہ جہانگیر کو سفاک قرار دیتے ہوئے کہا پہلے تیمور اور اب جہانگیر۔ واہ سیف اور کرینہ نے اپنے بیٹے کا نام ایک سفاک اور وحشی مغل بادشاہ کے نام پر رکھا ہے۔

https://twitter.com/SanghiiRiya/status/1424956309426688003

کچھ لوگوں نے دونوں پر طنز کرتے ہوئے کہا سیف اور کرینہ اپنے تیسرے بیٹے کا نام ''اورنگزیب'' رکھنے کی منصوبہ بندی کررہے ہیں؟

Big Braking 👉#KareenaKapoorKhan and #SaifAliKhan are planning to name their third child Aurangzeb? pic.twitter.com/ALBiCinJKi

— Rajul (@Rajul_Raj1) August 10, 2021

ایک صارف نے کہا ایسا لگ رہا ہے جیسے کرینہ کپور اور سیف علی خان مغل حکمرانوں کی ٹیم بنائیں گے پہلے تیمور اب جہانگیر۔ ان کے اگلے بچے کا نام کیا ہوگا۔

Looks like #KareenaKapoorKhan and #SaifAliKhan will form the Team of the Mughal Ruler,
First #taimur and now #Jehangir.
Who will be next .....😲😛 pic.twitter.com/hIUH9Ac3ba
— Rajul (@Rajul_Raj1) August 10, 2021

ایک صارف نے غصے میں لکھا کرینہ کپور کی فلمیں دیکھتے رہیں تاکہ ان لوگوں کے پاس تیمور جیسے حملہ آوروں کو فروغ دینے کے لیے پیسے کی کوئی کمی نہ ہو جنہوں نے ہندوؤں کا قتل عام کیا۔