مستونگ میں سی ٹی ڈی کی کارروائی، 11 مبینہ دہشت گرد ہلاک

اسلحہ اور گولا بارود برآمد، تعلق کالعدم تنظیم سے ہے جن کی شناخت کا عمل جاری ہے، سی ٹی ڈی

ویب ڈیسک منگل 31 اگست 2021

اسلحہ اور گولا بارود برآمد، تعلق کالعدم تنظیم سے ہے جن کی شناخت کا عمل جاری ہے، سی ٹی ڈی (فوٹو : فائل)

کوئٹہ: سی ٹی ڈی (کاؤنٹر ٹیررازم ڈپارٹمنٹ) نے مستونگ میں کارروائی کے دوران 11 دہشت گردوں کو ہلاک کرنے کا دعویٰ کیا ہے۔

ترجمان سی ٹی ڈی کوئٹہ کے مطابق ضلع مستونگ میں سی ٹی ڈی نے دہشت گردوں کے خلاف آپریشن کیا ہے جس میں دو طرفہ فائرنگ کا تبادلہ ہوا، نتیجے میں گیارہ دہشت گرد ہلاک ہوگئے۔

ترجمان کے مطابق مبینہ دہشت گردوں کے زیر استعمال کمپاؤنڈ سے اسلحہ و گولہ بارود برآمد ہوا ان کا تعلق کالعدم تنظیم سے ہے جن کی شناخت کا عمل جاری ہے۔