پاکستان کو شکست دیکر آسٹریلیا ٹی ٹوئنٹی ورلڈکپ کے فائنل میں پہنچ گیا

 دبئی: آئی سی سی ٹی ٹوئنٹی ورلڈکپ کے دوسرے سیمی فائنل میں آسٹریلیا نے پاکستان کو شکست دے کر فائنل میں رسائی حاصل کرلی۔ 

دبئی میں کھیلے گئے ٹی ٹوئنٹی ورلڈکپ کے دوسرے سیمی فائنل میں پاکستان نے پہلے بیٹنگ کرتے ہوئے فخرزمان کی جارحانہ بیٹنگ کی بدولت مقررہ 20 اوورز میں 4 وکٹ کے نقصان پر 176 رنز بنائے جس کے جواب میں آسٹریلیا نے مطلوبہ ہدف ایک اوور پہلے ہی 5 وکٹ کے نقصان پر پورا کیا۔

آسٹریلیا کی جانب سے کپتان ایرون فنچ اور ڈیوڈ واررنر نے اننگز کا آغاز کیا، شاہین آفریدی نے پہلے ہی اوور میں فنچ کو کھاتہ کھولے بغیر پویلین واپس بھیج دیا تاہم ڈیوڈ وارنر نے ذمہ داری سے بیٹگ جاری رکھی۔

☝️ Marsh
☝️ Smith
☝️ Warner
☝️ Maxwell

SHADAB HAS FOUR! #PAKvAUS | #T20WorldCup

— ESPNcricinfo (@ESPNcricinfo) November 11, 2021

پورے ٹورنامنٹ میں آف کلر دکھائی دینے والے شاداب خان نے آسٹریلیا کے خلاف اپنی بولنگ کا جادو جگاتے ہوئے 4 اہم وکٹیں حاصل کیں۔ مچل مارش 28، اسٹیون اسمتھ 5، ڈیوڈ وارنر 49 اور گلین میکسول 7 رنز بنانے کے بعد شاداب خان کا شکار بنے۔

مارکس اسٹونس اور میتھو ویڈ آخر تک وکٹ پر ڈٹے رہے اور اپنی ٹیم کو فتح سے ہمکنار کروایا۔ اسٹونس نے 31 گیندوں پر 40 جب کہ میتھو ویڈ نے 17 گیندوں پر 41 رنز کی جارحانہ اننگز کھیلی۔

WADE IN HEAVEN!

ICC #T20WorldCup #LiveTheGame #PAKvAUS #Australia #SemiFinals pic.twitter.com/wiWRaFt0vJ

— Star Sports (@StarSportsIndia) November 11, 2021

اس سے قبل آسٹریلیا کے کپتان ایرون فنچ نے ٹاس جیت کر پاکستان کو بیٹنگ کی دعوت دی۔ قومی ٹیم کی جانب سے کپتان بابراعظم اور محمد رضوان نے اننگز کا آغاز مستحکم انداز میں کیا اور پاور پلے کے 6 اوورز میں وکٹ گنوائے بغیر 47 رنز بنائے اور ٹیم کو 71 رنز کا آغاز فراہم کیا۔

بابراعظم 39 رنز بنانے کےبعد آؤٹ ہوئے تاہم محمد رضوان نے ایونٹ میں اپنی تیسری نصف سنچری مکمل کی وہ 67 رنز بناکر آؤٹ ہوئے جب کہ فخرزمان نے 32 گیندوں پر 55 رنز کی جارحانہ اننگز کھیلی جس میں 4 چھکے اور 3 چوکے شامل تھے۔

آسٹریلیا کی جانب سے مچل اسٹارک نے 2 ، ایڈم زمپا اور پیٹ کمنز نے ایک ایک وکٹ حاصل کی۔

https://twitter.com/ESPNcricinfo/status/1458814387444088841

آسٹریلیا کے خلاف میچ کے دوران بابراعظم اور محمد رضوان کی جوڑی نے 71 رنز کی شراکت قائم کرکے عالمی ریکارڈ قائم کردیا۔ دونوں نے مجموعی طور پر اس ورلڈکپ میں اب تک 411 رنز کی شراکت قائم کی جو ایک ریکارڈ ہے۔

دوسری جانب محمد رضوان نے بھی رواں سال ٹی ٹوئنٹی انٹرنیشنل میں اپنے ایک ہزار رنز مکمل کرکے تاریخ رقم کی۔

https://twitter.com/TheRealPCB/status/1458810320173076486