میرے حلقے میں کترینہ کے گالوں کی طرح سڑکیں بننی چاہئیں، بھارتی وزیر

نئی دہلی: راجستھان کے وزیر راجندر سنگھ گودھا نے فرمائش کی ہے کہ ان کے حلقے کی سڑکیں کترینہ کیف کے گالوں کی طرح ہونے چاہئیں جس پر وزیر کو کڑی تنقید کا سامنا ہے۔ 

بھارتی میڈیا کے مطابق راجستھان کے وزیر کی ایک ویڈیو کلپ وائرل ہوئی ہے جس پر ملک بھر میں انھیں کڑی تنقید کا سامنا ہے اور عوام نے ان سے مستعفی ہونے کا مطالبہ کردیا ہے۔

ویڈیو میں وزیر راجندر سنگھ کو ایک کھلی کچہری میں یہ کہتے ہوئے دیکھا جا سکتا ہے کہ ’’میرے حلقے کی سڑکیں کترینہ کیف کے گالوں کی طرح ہونی چاہییں۔‘‘ یہ بات انھوں نے ایک سائل کے شکایت کے جواب میں کہی۔

#WATCH | "Roads should be made like Katrina Kaif's cheeks", said Rajasthan Minister Rajendra Singh Gudha while addressing a public gathering in Jhunjhunu district (23.11) pic.twitter.com/87JfD5cJxV

— ANI (@ANI) November 24, 2021

شہری نے سوال کیا تھا کہ حلقے میں جو سڑکیں بنی ہیں ان کا معیار بہت برا ہے اور ناہموار سڑکوں پر جلد ہی بڑے بڑے گڑھے پڑ جاتے ہیں جس پر سفر کرنا مشکل ہوجاتا ہے۔

ایسا پہلی بار نہیں جب بھارتی وزرا نے نہایت غیر مناسب اور نازیبا تبصرہ کیا ہو اس سے قبل بھی لالو پرساد سمیت کئی وزرا اپنے حلقے میں ’ہیما مالنی کے گالوں جیسی سڑکیں‘ بنانے کا وعدہ کرتے رہے ہیں۔