بڑھتی ہوئی درآمدات کے سبب ڈالر کی اڑان تھم نہ سکی

اسٹاف رپورٹر  جمعـء 3 دسمبر 2021
زرمبادلہ کی دونوں مارکیٹوں میں ڈالر کی قیمت نئی بلند ترین سطح پر بند ہوئی (فوٹو : فائل)

زرمبادلہ کی دونوں مارکیٹوں میں ڈالر کی قیمت نئی بلند ترین سطح پر بند ہوئی (فوٹو : فائل)

 کراچی: مہنگائی اور بڑھتی ہوئی درآمدات کے باعث ڈالر کی اڑان جمعہ کو بھی نہ تھم سکی جس سے زرمبادلہ کی دونوں مارکیٹوں میں ڈالر نئی بلند ترین سطح پر بند ہوئی۔

بڑھتی ہوئی طلب برقرار رہنے کے سبب ڈالر کے اوپن مارکیٹ ریٹ دوبارہ 179 روپے سے تجاوز کرگئے۔ انٹربینک مارکیٹ میں جمعہ کو اتار چڑھاؤ کے بعد مزید 34 پیسے کے اضافے سے176.7 روپے کی سطح پر بند ہوئی۔

اسی طرح اوپن کرنسی مارکیٹ میں ڈالر کی قدر 1.50 روپے کے اضافے سے 179.50 روپے کی سطح پر بند ہوئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔