- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
لاہور قلندرز نے پشاور زلمی کو شکست دے دی
کراچی: پاکستان سپرلیگ سیزن 7 کے نویں میچ میں لاہور قلندرز نے پشاور زلمی کو 29 رنز سے شکست دے کر فتح اپنے نام کرلی۔
پاکستان سپرلیگ کا نواں میچ کراچی کے نیشنل اسٹیڈیم میں پشاور زلمی اور لاہور قلندرز کے درمیان کھیلا گیا، جس میں زلمی کی قیادت وہاب ریاض جبکہ قلندرز کی قیادت شاہین شاہ آفریدی نے کی۔ پشاور زلمی نے ٹاس جیت کر لاہور قلندرز کو پہلے بیٹنگ کی دعوت دی۔
لاہور قلندرز اننگز
لاہور قلندرز کی جانب سے عبداللہ شفیق اور فخر زمان نے اننگز کا آغاز کیا اور 94 رنز کی شراکت داری قائم کی، اسی دوران عبد اللہ شفیق 41 کے انفرادی اسکور پر پویلین لوٹے۔
The big wicket! @PeshawarZalmi finally get rid of Fakhar. #HBLPSL7 l #LevelHai l #PZvLQ pic.twitter.com/SpfNl2h4nc
— PakistanSuperLeague (@thePSLt20) February 2, 2022
دوسرے آؤٹ ہونے والے کھلاڑی فخر زمان تھے جو 114 رنز کے مجموعی اسکور پر پویلین لوٹے، انہوں نے 38 گیندوں پر 3 چھکوں اور 6 چوکوں کی مدد سے 66 رنز کی اننگز کھیلی۔
بعد ازاں کامران غلام اور محمد حفیظ نے ذمہ دارانہ بیٹنگ کرتے ہوئے اسکور کو 159 تک پہنچایا تو کامران غلام 30 رنز بنا کر آؤٹ ہوئے پھر ڈیوڈ ویزے بغیر کوئی رن بنائے آؤٹ ہوئے۔
Another 200 score.
Another exciting match in store for us? Kya khayal hai? #HBLPSL7 l #LevelHai l #PZvLQ pic.twitter.com/7QJvqrdibS— PakistanSuperLeague (@thePSLt20) February 2, 2022
اس دوران محمد حفیظ اور راشد خان نے ذمہ دارانہ بیٹنگ کرتے ہوئے اسکور کو 199 تک پہنچایا۔ لاہور قلندرز نے مقررہ اوورز میں چار وکٹوں کے نقصان پر 199 رنز بنائے، فخر زمان 66 اور عبداللہ شفیق 41 کے ساتھ نمایاں بلے باز رہے۔ پشاور زلمی کے نوجوان بولر محمد ارشاد نے دو جبکہ عثمان قادر اور حسین طلعت نے ایک ایک وکٹ حاصل کی۔
Arish Ali Khan (emerging) and Salman Irshad debut for @PeshawarZalmi today! #HBLPSL7 l #LevelHai l #PZvLQ pic.twitter.com/uNjFb2aVCF
— PakistanSuperLeague (@thePSLt20) February 2, 2022
پشاور زلمی اننگز
لاہور قلندرز کے 200 رنز کے ہدف کے تعاقب میں پشاور زلمی کی جانب سے بیٹنگ کا آغاز اچھا نہ ہوسکا کیونکہ حضرت اللہ زازئی پہلے ہی اوور کی دوسری گیند پر بغیر کوئی رن بنائے شاہین شاہ آفریدی کا شکار بنے۔
بعد ازاں حسین طلعت 62 کے مجموعی اسکور پر آؤٹ ہوئے اور اگلی ہی گیند پر کامران اکمل بھی 41 رنز بنا کر آؤٹ ہوگئے۔ یوں زلمی کے 62 رنز پر 3 کھلاڑی آؤٹ ہوچکے تھے۔ پھر شعیب ملک آئے تو وہ بھی ناکام رہے اور 7 کے انفرادی جبکہ 89 کے مجموعی اسکور پر راشد خان کی گیند پر آؤٹ ہوئے۔
YAAR! 👏🏼 #HBLPSL7 l #LevelHai l #PZvLQ pic.twitter.com/KhAwcmvPvr
— PakistanSuperLeague (@thePSLt20) February 2, 2022
زلمی کی پانچویں وکٹ 125 رنز پر گری جب شرفین ردر فورڈ 21 رنز بنا کر پویلین لوٹے، اگلے آؤٹ ہونے والے کھلاڑی بین کٹنگ تھے جو 10 رنز بنا کر 158 کے مجموعی اسکور پر آؤٹ ہوئے۔
اگلے آؤٹ ہونے والے کھلاڑی حیدر علی تھے جو 49 رنز پر رن آؤٹ ہوکر پویلین لوٹے۔ آخری اوور میں زلمی کو جیت کے لیے 38 رنز درکار تھے۔ زلمی کے کپتان وہاب ریاض بغیر کوئی رن بنائے پویلین روانہ ہوئے، اگلی ہی گیند پر ڈیوڈ ویزے نے عارش علی خان کو بھی آؤٹ کیا۔
پشاور زلمی کے حیدر علی 49 اور کامران اکمل 41 رنز کے ساتھ نمایاں بلے باز رہے جبکہ لاہور قلندرز کے زمان خان نے تین، شاہین آفریدی نے اور ڈیوڈ ویزے 2،2 جبکہ نے ایک وکٹ حاصل کی۔
پشاور زلمی نے آج اسکواڈ میں تبدیلی کرتے ہوئے دو نئے کھلاڑیوں عارش علی اور سلمان ارشاد کو ڈیبیو کا موقع دیا ہے۔
اسکواڈ پشاور زلمی
کامران اکمل، حضرت اللہ زازئی، حیدرعلی، حسین طلعت، شعیب ملک، شرفین ردرفورڈ، بین کٹنگ، وہاب ریاض (کپتان)، عارش علی خان، عثمان قادر اور سلمان ارشاد
اسکواڈ لاہور قلندرز
فخر زمان، عبداللہ شفیق، کامران غلام، محمد حفیط، ذیشان اشرف، بین فاکس کرافٹ، ڈیوڈ ویزے، راشد خان، شاہین شاہ آفریدی (کپتان)، حارث رؤف اور زمان خان
پوائنٹس ٹیبل
اگر پوائنٹس ٹیبل کی بات کی جائے تو دونوں ٹیموں نے اب تک دو ، دومیچز کھیلے جن میں سے انہیں ایک ایک میں فتح اور ایک میں شکست کا سامنا رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔