شائستہ لودھی کی ’گیم شو‘ کے اسٹیج پر گرنے کی ویڈیو وائرل

اداکارہ ومیزبان اسٹیج پر اُس وقت گریں کہ جب وہ گفٹ باکس کو خوشی سے ہوا میں لہرا رہی تھیں

ویب ڈیسک پير 4 اپريل 2022

چند سوشل میڈیا صارفین نے شائستہ کے گرنے کا مذاق بھی بنایا (فوٹو، فائل)

کرچی: شوبز انڈسٹری کی معروف اداکارہ و ٹی وی میزبان شائستہ لودھی گیم شو کے اسٹیج پر پیر پھسلنے کے باعث گر پڑیں۔

میڈیا رپورٹ کے مطابق نجی ٹیلی ویژن کے گیم شو کے دوران اسٹیج پر شائستہ لودھی کا پاؤں پھسلا اور وہ گرگئیں، یہ واقعہ اس وقت پیش آیا کہ جب اداکارہ گفٹ باکس کو خوشی سے ہوا میں لہرا رہی تھیں۔

خوش قسمتی سے انہیں کوئی چوٹ نہیں آئی تاہم حادثے کی ویڈیو سوشل میڈیا پر وائرل ہوگئی جس پر چند صافین نے شائستہ لودھی کا مذاق اڑایا جبکہ کئی مداحوں نے اداکارہ کو دعائیں دیں کہ اللہ آپ کو ہمیشہ ہر مصیبت وپریشانی سے دور رکھے۔

خیال رہے کہ شائستہ لودھی گزشتہ چند سالوں سے ٹی وی پر مارننگ شو نہیں کر رہیں لیکن ان کی پوری توجہ اداکاری پر ہے۔