سینیٹر فیصل جاوید کو اسمبلی ہال سے نکال دیا گیا

ویب ڈیسک  ہفتہ 9 اپريل 2022
فیصل جاوید ہال کے اندر آگئے تھے جس پر ہال میں موجود سکیورٹی عملہ نے انہیں باہر نکالا۔ فوٹو:فائل

فیصل جاوید ہال کے اندر آگئے تھے جس پر ہال میں موجود سکیورٹی عملہ نے انہیں باہر نکالا۔ فوٹو:فائل

 اسلام آباد: تحریک عدم اعتماد پر ووٹنگ کےلیے ہونے والے قومی اسمبلی کے اجلاس میں سینیٹر فیصل جاوید کو اسمبلی ہال سے نکال دیا گیا۔

اسپیکر اسد قیصر کی زیر صدارت قومی اسمبلی کا اجلاس ہورہا ہے جس میں اپوزیشن کے 176 اور حکومت کے تقریبا 100 ارکان شریک ہیں۔

سیکیورٹی نے سینیٹر فیصل جاوید کو اسمبلی ہال سے باہر نکال دیا۔ فیصل جاوید ہال کے اندر آگئے تھے جس پر ہال میں موجود سکیورٹی عملہ نے انہیں باہر نکالا۔

قبل ازیں سینیٹر فیصل جاوید بھی ایوان زیریں کی کارروائی دیکھنے کےلیے پارلیمنٹ پہنچے۔ اس موقع پر انہوں نے میڈیا سے گفتگو کرتے ہوئے کہا کہ عمران خان قوم کیلئے ڈٹ کے کھڑے ہیں، وہ بھگوڑوں کی طرح باہر نہیں بھاگیں گے، عدالتی فیصلے کی قدر کرتے ہیں، جس پر من و عن عمل کیا جائے گا۔

انہوں نے مزید کہا کہ اپوزیشن کے تین ایجنٹس نے پارلیمنٹ پر حملہ کیا ہے، ضمیر فروشی کرکے انہوں نے آئین سے غداری کی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔