پی ٹی آئی کا دوبارہ حلقہ بندیوں کوچیلنج کرنے کااعلان

مردم شماری کے بغیرحلقہ بندیاں کرنا آئین کی سنگین خلاف ورزی ہوگی، فواد چوہدری

---

لاہور: پاکستان تحریک انصاف نے ملک میں دوبارہ حلقہ بندیوں کے عمل کوچیلنج کرنے کا اعلان کیا ہے۔

پی ٹی آئی کے رہنما فواد چوہدری نے ٹوئٹرپربیان میں کہا کہ تحریک انصاف نےالیکشن کمیشن کی جانب سے ملک بھر میں دوبارہ حلقہ بندیوں کے اقدام کو چیلنج کرنےکا فیصلہ کیا ہے۔

فواد چوہدری کا مزید کہنا تھا کہ نئی حلقہ بندیاں صرف اس صورت میں ممکن ہوتی ہیں جب نئی مردم شماری ہو۔مردم شماری کے بغیر حلقہ بندیاں آئین کی سنگین خلاف ورزی ہو گی۔ الیکشن کمیشن انتخابی عمل کو متنازع بنانے کے مشن پر ہے۔