دوران پرواز دو مسافروں نے جہاز کو بڑے حادثے سے کیسے بچایا

جہاز میں سوار تمام افراد محفوظ رہے (فوٹو، ایکسپریس)

---

برازیل میں دو مسافروں کی حاضر دماغی نے دوران پرواز طیارے کو بڑے حادثے سے بچا لیا۔

میڈیا رپورٹ کے مطابق جورڈاؤ شہر سے برانکو شہر جانے والے چھوٹے جہاز کا دروازہ اچانک حادثاتی طور پر کھلا جس پر دو مسافروں نے فوراً لپک کر دروازہ بند کردیا اور طیارے کی لینڈنگ تک دروازے کو پکڑے رکھا۔

رپورٹ میں بتایا گیا کہ دونوں مسافروں نے جہاز کے دروازے کو بند کرکے لینڈنگ تک اس لیے پکڑا رکھا کہ وہ دوبارہ نہ کھل جائے جس کے سبب طیارے کا توازن بگڑنے سے حادثے کا بھی خدشہ تھا۔



مذکورہ جہاز میں 15 سے 20 مسافر سوار تھے اور خوش قسمتی سے کوئی حادثہ پیش نہیں آیا اور تمام افراد محفوظ رہے۔