ایک اور ڈراپ سین کراچی سے لاپتا نمرہ کاظمی نے ڈی جی خان میں نکاح کرلیا

نمرہ کاظمی کے نکاح کے وقت کی تصویر (فوٹو : اسکرین گریب)

---

کراچی ملیر سے لاپتا ہونے والی دوسری لڑکی 16 سالہ نمرہ کا بھی پتا چل گیا، لڑکی ڈیرہ غازی خان میں موجود ہے جہاں اس نے نکاح کرلیا۔

ایکسپریس نیوز کے مطابق کراچی میں چند روز قبل ملیر سے یکے بعد دیگرے دو لڑکیاں لاپتا ہوگئی تھیں، دعا زہرہ کے بارے میں معلوم ہوا ہے کہ وہ لاہور میں موجود ہے اور اس نے نکاح کرلیا ہے اور اب معلوم ہوا ہے کہ دوسری لاپتا لڑکی نمرہ نے بھی نکاح کرلیا ہے اور وہ ڈیرہ غازی خان میں موجود ہے۔

یہ پڑھیں : کراچی سے لاپتہ دعا زہرہ مل گئی، لاہور میں شادی کرلی

پولیس ذرائع کا کہنا ہے کہ سعود آباد سے لاپتا نمرہ اس وقت ڈیرہ غازی خان میں موجود ہے اور وہ شاہ رخ نامی لڑکے سے نکاح کرچکی ہے، قبل ازیں نمرہ کی والدہ نے شاہ رخ نامی نوجوان پر اغوا کا شبہ ظاہر کیا تھا۔

Nimrah Kazmi, who went missing from Malir Saudabad, married a boy named Shah Rukh in Dera Ghazi Khan.Nimrah Kazmi submits affidavit in court of Additional Sessions Judge Taunsa Sharif.The case of Nimrah Kazmi's disappearance was registered on April 20.#NimraKazmi pic.twitter.com/gkbANhl0zU

— Ebad Usmani (@Ebadusmanii) April 25, 2022

اسی کے ساتھ ہی نمرہ کا عدالت میں جمع کرایا گیا ایک حلف نامہ اور ویڈیو بیان منظر عام پر آگیا ہے جس میں نمرہ نے کہا ہے کہ میں اپنی مرضی اور ہوش و حواس میں شاہ رخ سے نکاح کررہی ہوں۔

نمرہ کاظمی نے ایڈیشنل سیشن جج کی عدالت میں ہراسمنٹ کی درخواست دائر کر دی جس میں اپنی مرضی سے گھر چھوڑنے اور شادی کرنے کا اعتراف کیا گیا ہے۔ نمرہ کاظمی نے درخواست میں اپنے والد پر زبردستی بڑی عمر کے آدمی سے شادی کروانے کا الزام عائد کیا ہے۔

نمرہ کاظمی نے کہا ہے کہ نجیب شاہ رخ سے بچپن میں منگنی ہوئی تھی لیکن پولیس تھانہ تونسہ اور والد زبردستی طلاق دلوا کر شوہر سے علیحدہ کرنا چاہتے ہیں۔

دریں اثنا ڈی پی او ڈی جی خان علی وسیم نے کہا ہے کہ ڈی جی خان پولیس نمرہ کاظمی تک پہنچ گئی اور اس حوالے سے کراچی پولیس کو اطلاع کردی گئی، لڑکی کا عدالت میں جمع کرایا گیا بیان بھی حاصل کرلیا ہے۔