ٹک ٹاک نے چھوٹے گیم کی آزمائش شروع کردی، لیکن صرف ایک ملک میں

ویب ڈیسک  ہفتہ 21 مئ 2022
ٹک ٹاک نے ایپ کے اندر سادہ اور آسان گیم کی آزمائش شروع کردی ہے۔ فوٹو: فائل

ٹک ٹاک نے ایپ کے اندر سادہ اور آسان گیم کی آزمائش شروع کردی ہے۔ فوٹو: فائل

کیلیفورنیا: ٹک ٹاک نے فی الحال ویت نام کے کچھ صارفین کے لیے ایپ کے اندر ہی چھوٹے اور آسان گیمز پیش کئے ہیں جو ٹک ٹاک کی گیمز میں دلچسپی کو ظاہر کرتے ہیں۔

یہ گیم ایچ ٹی ایم ایل فائیو پر بنے ہیں اور انہیں مِنی گیمز یا چھوٹے گیمز کہا جاسکتا ہے تاکہ نوعمر صارفین کو ایپ پر مصروف رکھا جاسکے۔ گیم ہمیشہ ہی لوگوں کو اپنی جانب متوجہ کرتے ہیں اور ٹک ٹاک نے اسی کو استعمال کرنے کا عزم کیا ہے۔

ٹِک ٹاک پہلے ہی گیم اسٹریمنگ آپشن پیش کرتا رہا ہے اور اب اسے مزید وسعت دینے کے لیے زینگا کارپوریشن اور دیگر اداروں کے گیم شامل کئے گئے ہیں۔ اس کے گئی گیم فیس بک اور دیگر پلیٹ فارم پر کئی برس قبل خاصے مقبول بھی  تھے۔ پھر ٹک ٹاک کی مرکزی کمپنی بائٹ ڈانس نے بھی اس میدان میں قدم رکھ دیا ہے۔

اگرآپ ٹک ٹاک کا مستقبل دیکھنا چاہتے ہیں تو اس کی ہوبہو چینی ایپ ڈوین کو دیکھئے جس پر صرف چین میں 67 کروڑ صارفین ہیں اور وہ 2019 سے ہی گیم پیش کررہی ہے۔ ڈویُن کے کئی فیچر تیزی سے ٹک ٹاک کا حصہ بن رہے ہیں۔ دوسری جانب بائٹ ڈانس نے بھی ٹک ٹاک کے لیے گیم کی تیاری شروع کردی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔