گستاخانہ بیان دینے والی بی جے پی کی سابق ترجمان کی سیکیورٹی سخت کردی گئی

نوپور شرما نے سیکیورٹی کے لیے دہلی پولیس کو درخواست دی تھی، فوٹو: فائل

---

LONDON: نبی کریم ﷺ کے بارے میں گستاخانہ بیان دینے والی بھارتیہ جنتا پارٹی کی معطل ترجمان نوپور شرما اور ان کے خاندان کو دہلی پولیس نے سخت سیکیورٹی فراہم کردی۔

بھارتی میڈیا کے مطابق بی جے پی کی ترجمان نوپور شرما کی جانب سے جان سے مارنے کی دھمکی ملنے کی ایف آئی آر درج کرائی گئی تھی جس پر دہلی پولیس نے انھیں اور ان کے خاندان کو سیکیورٹی فراہم کردی ہے۔

یہ خبر پڑھیں : بھارتی حکام کے گستاخانہ بیانات؛ او آئی سی کا شدید اظہارِمذمت

گستاخی کی مرتکب نوپور شرما نے ایف آئی آر میں نامعلوم افراد کو نامزد کیا تھا اور پولیس نے اہلیہ خانہ سمیت سخت سیکیورٹی مانگی تھی حالانکہ انھیں بحثیت ترجمان حکمراں جماعت کے پہلے ہی سیکیورٹی حاصل تھی۔

pic.twitter.com/Cl0aAqkwgN

— Nupur Sharma (@NupurSharmaBJP) June 5, 2022

گزشتہ روز ایک بیان میں نوپورشرما نے کہا تھا کہ اگر میرے ریمارکس سے کسی کی دل آزاری ہوئی ہے تو میں معافی چاہتی ہوں اور غیر مشروط طور پر بیان واپس لیتی ہوں۔ ساتھ ہی انھوں نے میڈیا سے درخواست کی تھی ان کے گھر کا پتہ شائع نہ کیا جائے۔

یہ بھی پڑھیں : بھارت جنونیوں کواسلام کی توہین سے روکے، طالبان حکومت

خیال رہے کہ نوپور شرما نے ایک ہفتے قبل ٹی وی پروگرام میں گستاخانہ کلمات کہے تھے جس پردنیا بھر کے مسلمانوں میں غم اور غصے کی لہر دوڑ گئی اورشدید احتجاج شروع ہو گیا جس پر بی جے پی اپنی ترجمان کو ہٹانے پر مجبور ہوئی۔

BJP suspends Nupur Sharma, Naveen Kumar Jindal over inflammatory remarks against minorities

Read @ANI Story |https://t.co/sKtGvzHnip#NupurSharma #NaveenJindal #BJP pic.twitter.com/hw4paN3DaT

— ANI Digital (@ani_digital) June 5, 2022

حکمراں جماعت نے ترجمان نوپور شرما کو معطل کرنے کے بعد دہلی کے میڈیا ہیڈ نوین کمار کو بھی معطل کردیا۔