ایشیا کپ: سری لنکا نے بھارت کو 6 وکٹوں سے شکست دے دی

 دبئی: ایشیا کپ ٹی ٹوئنٹی کے سپر فور مرحلے میں سری لنکا نے 174 رنز کا ہدف حاصل کرتے ہوئے بھارت کو 6 وکٹوں سے شکست دے دی۔

ہدف کے تعاقب میں سری لنکا کی پہلی وکٹ کے درمیان 97 رنز کی شراکت قائم ہوئی جس کے بعد یکے بعد دیگرے سری لنکا کے چار کھلاڑی آؤٹ ہوگئے۔ اسکے بعد بھانوکا راجا پاکسے اور کپتان داسن شاناکا نے ٹیم کو سہارا دیتے ہوئے میچ جتوا دیا۔

India still have a small chance, but it depends upon other results… starting with Afghanistan beating Pakistan tomorrow

But, there will be NO IND-PAK final on Sunday #AsiaCup2022 pic.twitter.com/J6RnYGRPVG

— ESPNcricinfo (@ESPNcricinfo) September 6, 2022

بھانوکا راجا پاکسے 25 اور داسن شاناکا 33 رنز بنا کر ناٹ آؤٹ رہے۔ بھارتی اسپنر یزویندر چہل نے تین کھلاڑیوں کو آؤٹ کیا۔

بھارت کو سری لنکا سے شکست کے بعد فائنل میں پہنچنے کے امکانات بہت کم ہیں، پاکستان کا کل افغانستان سے میچ ہوگا اور قومی ٹیم کی ہار کی صورت میں بھارت کے لیے کوئی راہ ہموار ہوسکتی ہے۔

اوپنر پتھم نسانکا 52 رنز بنا کر آؤٹ ہوئے جبکہ اسکے بعد چارتھ اسالنکا صفر اور دانوشکا گناتھیلاکا ایک رن بنا کر کیچ تھما بیٹھے، اوپنر کوسل مینڈس 57 رنز بنا کر ایل بی ڈبلیو آؤٹ ہوگئے۔

This chase is right up Sri Lanka's alley after good bowling performances by Madushanka, Shanaka and Chamika #INDvSL | #AsiaCup2022

— ESPNcricinfo (@ESPNcricinfo) September 6, 2022

بھارت کی اننگز

بھارت کی جانب سے جب بیٹنگ کا آغاز کیا گیا تو اوپنر کے ایل راہول 6 رنز بنا کر ایل بی ڈبلیو آؤٹ ہوئے جبکہ ویرات کوہلی کو صفر پر کلین بولڈ ہوئے۔ ویرات کوہلی کو ٹی ٹوئنٹی میں چھکوں کی سنچری مکمل کرنے کے لیے دو چھکے درکار تھے جس میں وہ کامیاب نہ ہوسکے۔

بھارتی کپتان روہت شرما پانچ چوکوں اور چار چھکوں کی مدد سے 72 رنز بنا کر آؤٹ ہوئے، اسکے بعد سوریا کمار بھی 34 رنز بنا کر وکٹ تھما بیٹھے۔ آل راؤنڈر ہاردیک پانڈیا 17، دپیک ہوڈا تین رنز، ریشب پنت 17 رنز اور بھونیشور کمار صفر پر پویلین لوٹ گئے۔

بعد ازاں روی چندرن ایشون نے 15 رنز بنا کر ٹیم کا اسکور 173 تک پہنچایا۔

https://twitter.com/ESPNcricinfo/status/1567147779147071491?s=20&t=WNPBKrLATS7sCOxaRtud8A

آج کے میچ میں سری لنکا نے ٹیم میں کوئی تبدیلی نہیں کی جبکہ بھارتی ٹیم میں روی بشنوی کی جگہ روی چندرن ایشون کو شامل کیا گیا تھا۔

بھارت

کپتاب روہت شرما، نائب کپتان کے ایل راہول، ویرات کوہلی، سوریا کمار یادیو، ریشب پنت، دیپک ہوڈا، ہاردیک پانڈیا، بھونیشور کمار، روی چندرن ایشون، یزویندر چہل، ارشدیپ سنگھ۔

سری لنکا

دانوشکا گناتھیلاکا، پتھم نسانکا، کوسل مینڈس، چارتھ اسالنکا، بھانوکا راجا پاکسے، داسن شاناکا، وینندو ہسرنگا ڈی سلوا، چمیکا کرونارتنے، مہیش تھیکشنا، اسیتھا فرنینڈو، دلشان مدوشنکا۔