مستونگ میں سی ٹی ڈی کی کارروائی میں 5 دہشتگرد ہلاک، 3 اہلکار زخمی

 کوئٹہ: انسداد دہشت گردی فورس (سی ٹی ڈی) نے مستونگ میں خفیہ اطلاع پر کارروائی کرتے ہوئے پانچ دہشت گردوں کو ہلاک کردیا۔

ایکسپریس نیوز کے  مطابق بلوچستان کے علاقے مستونگ میں سی ٹی ڈی کی کارروائی میں پانچ دہشت گرد مارے گئے ہیں، ترجمان سی ٹی دی کا کہنا ہے کہ دہشت گردوں اور فورسز کے درمیان شدید فائرنگ کا تبادلہ ہوا جس میں تین اہلکار بھی زخمی ہوئے۔

مستونگ میں دہشتگردوں کے خلاف کامیاب کارروائی پر وزیراعلیٰ بلوچستان میر قدوس بزنجو نے اطمینان کا اظہا کیا اور کہا کہ سی ٹی ڈی اور حساس اداروں کو بہترین کارکردگی پر خراج تحسین پیش کرتے ہیں۔

میر قدوس بزنجو کا کہنا تھا کہ دہشتگردی کے خلاف جنگ میں کامیابی عوام اور سیکورٹی اداروں کی ہوگی، آپریشن کے دوران 3 سیکورٹی اہلکاروں کے زخمی ہونے پر افسوس ہے۔