ٹی20 ورلڈکپ؛ بھارت نے نیدر لینڈز کو باآسانی 56 رنز سے ہرادیا

ویب ڈیسک  جمعرات 27 اکتوبر 2022
پوائنٹس ٹیبل پر بھارت پہلی پوزیشن پر قابض ہوگیا (فوٹو: ٹوئٹر)

پوائنٹس ٹیبل پر بھارت پہلی پوزیشن پر قابض ہوگیا (فوٹو: ٹوئٹر)

سڈنی: ٹی20 ورلڈکپ میں سپر 12 مرحلے کے گیارویں میچ میں بھارت نے نیدرلینڈز کو باآسانی 56 رنز سے شکست دیدی۔

سڈنی کرکٹ گراؤنڈ میں کھیلے گئے میچ میں بھارتی کپتان نے ٹاس جیت کر پہلے بیٹنگ کرنے کا فیصلہ کیا، مقررہ 20 اوورز میں بھارتی ٹیم 2 وکٹوں کے نقصان پر 179 رنز اسکور کیے۔

بھارتی اوپنر کے ایل راہول ایک بار پھر بڑا اسکور کرنے میں ناکام رہے تاہم روہت شرما نے 53 اور ویرات کوہلی نے 55 رنز کی اننگز کھیلی جبکہ سوریا کمار یادیو 26 رنز بناکر نمایاں رہے۔

نیدرلینڈز کی جانب سے فریڈ کلاسن اور پال وین میکرین نے ایک ایک وکٹ حاصل کی۔

مزید پڑھیں: ٹی20 ورلڈکپ؛ جنوبی افریقا کے ہاتھوں بنگلا دیش کو عبرتناک شکست

ہدف کے تعاقب میں نیدر لینڈز کی آغاز اچھا نہ تھا، آئرش ٹیم مقررہ 20 اوورز میں 9 وکٹوں کے نقصان پر محض 123 رنز بناسکی۔ اوپنر وکرم جیت سنگھ ایک رن بناکر پویلین لوٹ گئے تاہم میکس او ڈاؤڈ اور ڈی لیڈز نے 16، 16 رنز اسکور کیے لیکن بڑی پارٹنرشپ کرنے میں ناکام رہے۔

دیگر بلےبازوں میں کولن ایکرمین 17، ٹام کوپر 9، ٹم پرنگل 20، کپتان اسکاٹ ایڈورڈز 5 اور فریڈ کلاسن بغیر کوئی رن بنائے وکٹ گنوابیٹھے۔

بھارت کی جانب سے اکشر پٹیل نے، بھنشور کمار، ارشدیب سنگھ اور ایشون نے دو دو وکٹیں حاصل کی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔