پاکستانی اداکارہ ماورا حسین نے عمرے کی سعادت حاصل کرلی

اداکارہ نے خانہ کعبہ کے ساتھ اپنی ایک تصویر شیئر کی ہے اور اس پوسٹ کے ساتھ ایک جذباتی کیپشن بھی لکھا ہے

ویب ڈیسک December 23, 2022

اداکارہ نے سوشل میڈیا پر اپنی مبارک سفر کی تصاویر اپنے مداحوں کے ساتھ شیئر کی ہیں (فوٹو: انسٹاگرام)

پاکستان کی معروف اداکارہ ماورا حسین نے عمرے کی سعادت حاصل کی ہے۔

اداکارہ نے سوشل میڈیا پر اپنی مبارک سفر کی تصاویر اپنے مداحوں کے ساتھ شیئر کی ہیں۔

ماورا حسین کے ساتھ ان کی والدہ بھی موجود ہیں، اس سے قبل آئمہ خان اور مایا علی نے بھی عمرے کی سعادت حاصل کی تھی۔

View this post on Instagram

A post shared by Mawra Hocane (hussain) (@mawrellous)

اداکارہ نے خانہ کعبہ کے ساتھ اپنی ایک تصویر شیئر کی ہے اور اس پوسٹ کے ساتھ ایک جذباتی کیپشن بھی لکھا ہے۔

انہوں نے لکھا کہ 21 دسمبر کو میری زندگی کی سب سے بڑی خواہش پوری ہوئی، میری والدہ اور میں نے دو مرتبہ عمرہ ادا کیا، اس سے بڑھ کو مجھے اور کچھ نہیں مل سکتا۔

عمرے کی ادائیگی سے قبل اداکارہ نے ایک الگ پوسٹ میں مسجد نبوی جانے کیلئے اپنے جوش و خروش کا ذکر کیا تھا۔