بھارتی کرکٹر رشبھ پنت کار حادثے میں شدید زخمی

چہرے پر گہرے زخم آنے کی وجہ پنت کی پلاسٹک سرجری متوقع ہے، رپورٹس

جمعـء 30 دسمبر 2022

چہرے پر گہرے زخم آنے کی وجہ پنت کی پلاسٹک سرجری متوقع ہے، رپورٹس (فوٹو: ٹوئٹر)

بھارتی کرکٹ ٹیم کے نوجوان بیٹر رشبھ پنت کار حادثے میں شدید زخمی ہوگئے۔

بھارتی میڈیا رپورٹس کے مطابق رشبھ پنت کی گاڑی حادثے کے بعد ڈیوائیڈر سے ٹکرا گئی اور آگ بھڑک اُٹھی، جس کے کار مکمل تباہ ہوگئی، بھارتی کرکٹر کے سر اور جسم پر شدید چوٹیں آئی ہیں جبکہ انہیں اسپتال منتقل کردیا گیا ہے۔

رپورٹس میں دعویٰ کیا گیا ہے کہ چہرے پر گہرے زخم آنے کی وجہ پنت کی پلاسٹک سرجری متوقع ہے جبکہ ڈاکٹرز نے انہیں دہلی ریفر کردیا ہے۔

ابتدائی رپورٹس میں کہا جارہا تھا کہ کرکٹر کی گاڑی کو صبح ساڑھے 5 بجے کے قریب حادثہ اتراکھنڈ سے دہلی جاتے ہوئے پیش آیا، وہ اپنی مرسیڈیسکر چلا رہے تھے۔

واضح رہے کہ رشبھ پنت کو سری لنکا کے خلاف سیریز کے لیے اعلان کردہ ٹیم سے ڈراپ کردیا گیا تھا۔