رونالڈو نے زلزلے میں والد سے محروم ہونے والے بچے کی خواہش پوری کردی

رونالڈو نے شامی بچے سے گرمجوشی سے ملاقات کی:فوٹو:فائل

---

فٹبال اسٹار کرسٹیانو رونالڈ نے زلزلے میں والد کو کھودینے والے شامی بچے کی خواہش پوری کردی۔

عرب میڈیا کے مطابق شام سے تعلق رکھنے والے 10 سالہ نبیل سعید کے والد 6 فروری کو شام اور ترکیہ میں آنے والے ہولناک زلزلے میں جاں بحق ہوگئے تھے۔ نبیل نے اسٹار فٹبالر کرسٹیانو رونالڈو سے ملنے کی خواہش ظاہر کی تھی جو سوشل میڈیا پروائرل ہوگئی۔

سعودی حکام نے نبیل کی ویڈیو دیکھنے کے بعد ان کے خاندان سے رابطہ کیا اورنبیل سے پوچھا کہ وہ کس کو اپنے ساتھ سعودی عرب لے جانا چاہیں گے تو نبیل نے بے ساختہ جواب دیا کہ اپنے والد اور والدہ کو لیکن پھر خود ہی تصحیح کی کہ والد کا تو زلزلے میں انتقال ہوچکا ہے۔ نبیل کو ان کی والدہ کے ساتھ رونالڈو سےملوانے کے لیے سعودی عرب بلوا لیا گیا۔

"When I saw Ronaldo, I thought it was a dream."

A Syrian boy who survived the February 6 earthquakes that hit Turkey and Syria met Cristiano Ronaldo after being invited to Saudi Arabia to watch Al Nassr play ⤵️ pic.twitter.com/uq6bfpThYL

— Al Jazeera English (@AJEnglish) March 6, 2023

رونالڈو کی شامی بچے سے ملاقات کی ویڈیو سوشل میڈیا پر وائرل ہوگئی۔ نبیل نے سعودی کلب النصر کا میچ بھی دیکھا ۔ رونالڈو النصر کلب کے کپتان ہیں۔