ثقلین مشتاق کے شاداب خان سے اپنی بیٹی کی شادی سے متعلق اہم انکشافات

ویب ڈیسک  بدھ 15 مارچ 2023
موجودہ دور میں اولاد یہ کہہ دے جس کو ماں باپ پسند کریں، اسے شادی کروں گا بہت بڑی بات ہے، سابق کرکٹر (فوٹو: ٹوئٹر)

موجودہ دور میں اولاد یہ کہہ دے جس کو ماں باپ پسند کریں، اسے شادی کروں گا بہت بڑی بات ہے، سابق کرکٹر (فوٹو: ٹوئٹر)

قومی کرکٹ ٹیم کے سابق آف اسپنر ثقلین مشتاق نے آل راؤنڈر شاداب خان کی شادی کے حوالے سے انکشافات کردیئے۔

معروف یوٹیوبر نادر علی کو انٹرویو دیتے ہوئے ثقلین مشتاق نے بتایا کہ شاداب خان نے گھر سے انکے والدین گھر پر رشتہ لیکر آئے تھے، جس کی بےحد خوشی تھی، آج کے دور میں اولاد یہ کہہ دے جس کو ماں باپ پسند کریں، اسے شادی کروں گا بہت بڑی بات ہے!۔

انہوں نے کہا کہ شاداب خان کو جتنے عرصے قومی ٹیم میں دیکھا اس میں کوئی برائی نظر نہیں آئی بلکہ اسکے برعکس نمازی تھا جس نے مجھے بہت قائل کیا۔

مزید پڑھیں: بیگم کیساتھ کھانا کھاتا ہوں تو دوست طعنے دیتے ہیں، شاداب

ثقلین مشتاق نے بتایا کہ رشتہ آنے کے بعد سوچنے کیلئے دو دن کی مہلت مانگی جس کے بعد منگنی ہوئی اور اگلے دو روز بعد دونوں نکاح ہوگیا جسے میں نے پڑھایا، اپنی بیٹی کا نکاح پڑھانے کی کیفیت بنان نہیں کرسکتا۔

مزید پڑھیں: شاداب خان کا ثقلین مشتاق کی بیٹی کے ساتھ نکاح ہوگیا

سابق کرکٹر نے اعتراف کیا کہ قومی ٹیم کی کوچنگ کے دوران تمام نوجوان کرکٹرز نے بہت عزت دی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔