سب سے بات کرنے کیلئے تیار اور عدالت میں پیش ہوں گا، عمران خان کا اعلان

 لاہور: پاکستان تحریک انصاف (پی ٹی آئی) کے چیئرمین عمران خان نے کہا ہے کہ قانون کی حکمرانی کے اصول پر کاربند رہوں گے، 18 مارچ کو اسلام آباد کی عدالت میں پیش ہوں گا اور مسائل کے حل کیلیے کسی سے بھی بات کرنے کو تیار ہوں۔

اپنے ٹویٹس میں عمران خان نے کہا ہے کہ پاکستان کی ترقی، مفادات اور جمہوریت کیلئے میں کسی قربانی سے گریز نہیں کروں گا، اس ضمن میں، میں کسی سے بھی بات کرنے کیلئے تیار ہوں اور اس جانب میں ہر قدم اٹھانے کیلئے تیار ہوں۔

انہوں نے کہا کہ حقیقی آزادی کے حوالے سے ہمارے نوجوانوں میں موجود تڑپ ہی تو ہے جس کے لیے میں نے ہمیشہ رب العزت سے دعا کی کہ ایک روز میری قوم کو اس سے آشنا کردے، وہ قومیں جن کے نوجوان آزادی کو اپنی زندگیوں سے بالا شمار کرتے ہیں، واقعتاً کارنامے سرانجام دیتی ہیں۔

میری جماعت قانون کی حکمرانی کے اصول پر قائم کی گئی اور ہم اپنے اس عزم و عہد پر پوری استقامت سے کاربند رہیں گے!

— Imran Khan (@ImranKhanPTI) March 16, 2023

عمران خان نے کہا کہ جب قانون کی حکمرانی ان کے بنیادی حقوق کے تحفظ کا وسیلہ بنتی ہے اور وہ خود کواحساسِ کمتری سے پاک کرلیتے ہیں تو عمومی انسانوں سے کہیں اوپر اٹھ جاتے ہیں جس کی جھلک ہمیں جنابِ اقبال کے تصوّرِ شاہین میں ملتی ہے۔

I want to thank the SCBAP for their strong position on upholding of Constitution & rule of law. We appreciate your condemnation of excessive use of force by authorities at Zaman Park. My Party was founded on principle of rule of law & we continue to stand by this commitment. pic.twitter.com/7GMOYHljn5

— Imran Khan (@ImranKhanPTI) March 16, 2023

عمران خان کا کہنا تھا کہ ملک میں آئین کی بالادستی اور قانون کی حکمرانی کے حوالے سے نہایت ٹھوس مؤقف اپنانے پر میں سپریم کورٹ بار ایسوسی ایشن کا شکرگزار ہوں، ہم آپ کی جانب سے زمان پارک میں حکام کے ہاتھوں طاقت کے بے تحاشا استعمال کی مذمّت کو بھی قدر و تحسین کی نگاہ سے دیکھتے ہیں۔

انہوں ںے مزید کہا کہ آئین اور 90 روز میں انتخابات کے انعقاد کی حمایت اور محاصرے کے ساتھ زمان پارک میں (ریاستی) قوت کے بے جا استعمال کی مذمت میں ایک متفقہ قرارداد منظور کرنے پر میں لاہور ہائی کورٹ بار ایسوسی ایشن کا شکر گزار ہوں، ہم سے یکجہتی کے اظہار کے لیے زمان پارک تک پیدل مارچ کرنے والے وکلاء کا بھی میں نہایت مشکور ہوں۔

بعد ازاں زمان پارک میں سینئر صحافیوں سے گفتگو میں عمران خان نے کہا کہ قانون کی حکمرانی پر یقین رکھتا ہوں اور 18 مارچ کو اسلام آباد کی عدالت میں پیش ہوں گا، میں نے عدالتی پیشی سے کبھی انکار نہیں کیا تاہم مجھے وہاں بلایا جارہا ہے جہاں سیکیورٹی خدشات ہیں‘۔

انہوں نے کہا کہ گرفتاری عدالتی میں پیشی کیلیے نہیں قتل کرنے کیلیے ہے، جب پیش ہونے کی یقین دہانی کرادی تو ڈرامہ کیوں رچایا جاریا ہے، آئین کے خلاف انتخابات کسی صورت آگے نہیں جانے دیں گے، انتخابات نوے روز سے آگے گئے تو پھر آئینی تحریک چلائیں گے۔