سرکاری اسکیم کے تحت حج درخواستوں کی قرعہ اندازی 5 اپریل کوہوگی

ویب ڈیسک  جمعـء 24 مارچ 2023
ملک میں 14 بینکس حج درخواستیں وصول کررہے ہیں:فوٹو:فائل

ملک میں 14 بینکس حج درخواستیں وصول کررہے ہیں:فوٹو:فائل

 لاہور: ملک کے مختلف  نامزد بینکوں میں حج درخواستوں کی وصولی کا سلسلہ جاری ہے۔ حج درخواستوں کی قرعہ اندازی 5 اپریل کو ہوگی۔

سرکاری اسکیم کے تحت حج درخواستیں وصول کرنے والے 14 بینکوں میں حبیب بینک، یونائیٹڈ بینک ، نیشنل بینک، ایم سی بی بینک،الائیڈ بینک، زرعی ترقیاتی بینک ، بینک آف پنجاب ، میزان بینک ، بینک الفلاح ، حبیب میٹرو پولیٹن بینک ، سونیری بینک، فیصل بینک، عسکری بینک اور بینک الحبیب شامل ہیں۔

مزید پڑھیں: سرکاری اسکیم کے تحت حج درخواستوں کی وصولی آج سے شروع

 

رمضان المبارک میں بینک روزانہ صبح 9 بجے سے دوپہر 2 بجے تک پبلک ڈیلنگ کریں گے جبکہ جمعہ کو بینکوں کے اوقات کار صبح  ساڑھے 8 سے دوپہر ایک بجے تک ہوں گے۔

سرکاری اسکیم کے تحت حج درخواستیں جمع کروانے کی آخری تاریخ 31 مارچ ہے۔ حج درخواستیں وصول کرنے کے لئے 14 بینک ہفتہ اور اتوار(25 اور 26 مارچ) کو بھی کھلے رہیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔