—فوٹو: فائل
سماجی روابط کی ویب سائٹ ٹوئٹر پر انہوں نے کہا کہ میں 9 مئی واقعات کی مذمت کرچکا ہوں، میں نے سیاست سے کچھ وقت کے لیے بریک لینے کا فیصلہ کیا ہے۔ انہوں نے مزید کہا کہ میں نے پارٹی عہدے سے استعفیٰ دے دیا اور عمران خان سے اپنی راہیں جدا کرلی ہیں۔
Ref. My earlier statement where I unequivocally condemned 9th May incidents, I have decided to take a break from politics, therefore, I have resigned from party position and parting ways from Imran Khan
— Ch Fawad Hussain (@fawadchaudhry) May 24, 2023
خیال رہے کہ 9 مئی کے پرتشدد واقعات کے بعد پی ٹی آئی کے کئی رہنما پارٹی چھوڑنے کا اعلان کرچکے ہیں۔ اس سے قبل شیریں مزاری اور فیاض الحسن چوہان نے بھی پارٹی چھوڑنے کا اعلان کیا تھا۔
علاوہ ازیں پی ٹی آئی کے سابق ایم این اے ڈاکٹر حیدر علی، عامر کیانی اور پی ٹی آئی کراچی کے صدر آفتاب صدیقی نے بھی عمران خان سے علیحدگی اختیار کرلی ہے۔
یہ بھی پڑھیں : تحریک انصاف کے رہنما اسد عمر کا پارٹی عہدوں سے مستعفی ہونے کا اعلان
پی ٹی آئی کے چیئرمین نے گزشتہ دنوں اپنے ایک بیان میں دعویٰ کیا تھا کہ پارٹی رہنماؤں اور کارکنان پر سیاسی وفاداری تبدیل کرنے کے لیے شدید دباؤ ڈالا جارہا ہے جبکہ انہوں نے آج صبح دعویٰ کیا کہ رہنماؤں کی کنپٹی پر بندوق رکھ کر وفاداری تبدیل کروائی جارہی ہے۔
