اسپینیش ٹینس اسٹار نے سیلفی کی فرمائش کرنے والے مداح سے منگنی کرلی

اسپینش ٹینس اسٹار گاربین موگوروزا نے سیلفی کی فرمائش کرنے والے مداح کے ساتھ شادی کی تیاریاں شروع کردیں۔

برطانوی میڈیا کی رپورٹس کے مطابق اسپینش اسٹار گاربین موگوروزا کئی عرصے سے ٹینس سے دور ہیں جبکہ وہ اب گرینڈ سلیم ایونٹس میں حصہ نہیں لیں گی تاہم ان دوران انہوں نے مداح سے منگنی کرنے کا اعلان کردیا ہے۔

ٹینس اسٹار گاربین کی اپنے بوائے فرینڈ آرتھر بورجس سے انکی پہلی ملاقات کی تفصیل بتائی کہ ’’ نیویارک میں ٹورنامنٹ کے دوران میرا ہوٹل سینٹرل پارک کے قریب تھا، میں بور ہو رہی تھی تو میں نے سوچا کیوں نا چہل قدمی کرنے جاؤں، میں باہر گئی جہاں میری ان سے ملاقات ہوئی، وہ چلتے ہوئے اچانک مڑے اور کہا کہ ’یو ایس اوپن کے لیے نیک تمنائیں‘۔‘‘

مزید پڑھیں: امپائر کی چیئر پر ریکٹ پھینکنے والا ٹینس کھلاڑی ایونٹ سے باہر

گاربین موگوروزا کہا کہ ’’ آرتھر بورجس کے اس انداز نے ان پر گہرا اثر چھوڑا، جس کے بعد وہ سینٹرل پارک میں چہل قدمی کے دوران ملتے رہے۔ بورجس نیو یارک میں ٹام فورڈ کے لیے کام کرنے آئے تھے‘‘۔

انہوں نے کہا کہ میرے منگیتر کو ٹینس کی دنیا کی اتنی خبر نہیں تھی تاہم میری طرح بورجس کا تعلق بھی اسپین سے ہے تاہم انہوں نے اپنی زندگی کا زیادہ حصہ فن لینڈ میں گزارا ہے۔

مزید پڑھیں: یوکرینی ٹینس پلیئر لیزا کا روسی حریف ڈاریا کے ساتھ مصافحہ سے انکار

ٹینس کی سابق عالمی نمبر ایک کھلاڑی نے سماجی رابطے کی سائٹ انسٹاگرام پر مداحوں کو اپنی منگنی کی اطلاع دی۔

واضح رہے کہ 29 سالہ کھلاڑی 2016 میں فرینچ اوپن اور اگلے برس ومبلڈن ٹورنامنٹ جیتنے کے بعد ورلڈ نمبر ون بنیں تھیں۔

View this post on Instagram

A post shared by GАЯВIÑE МUGUЯUΖΑ (@garbimuguruza)