بھارتی مداح کے پورٹریٹ پر وہاج علی نے ردِعمل دے دیا

ممبئی:  پاکستان کے مقبول ترین اداکار وہاج علی نے بھارتی مداح کے بنائے ہوئے پورٹریٹ پر ردِعمل دے دیا۔

اِن دنوں سوشل میڈیا پر اداکار وہاج علی کے خوب چرچے ہورہے ہیں اور پاکستان سمیت سرحد پار بھی ان کے مداحوں کی تعداد بڑھتی جارہی ہے۔

حالیہ ڈرامے سے شہرت کی بلندیوں کو چھونے والے اداکار وہاج علی سے اظہارِ محبت کرتے ہوئے ایک بھارتی آرٹسٹ نے اداکار کا پورٹریٹ بنایا ہے جس کی ویڈیو سوشل میڈیا پر وائرل ہو رہی ہے۔

View this post on Instagram

A post shared by Mannu 👑 (@manisha_marodia_prajapati_02)

ویڈیو میں بھارتی مداح کو دلچسپی کے ساتھ وہاج علی کا پورٹریٹ بناتے دیکھا جا سکتا ہے۔ اس وائرل ویڈیو پر ردِعمل دیتے ہوئے وہاج علی نے بھی بھارتی مداح کا شکریہ ادا کیا ہے۔

وہاج علی نے انسٹاگرام پر پوسٹ کی گئی اس ویڈیو پر کمنٹ کرتے ہوئے لکھا کہ ’بہت شکریہ‘۔

جس پر منیشا نامی بھارتی مداح نے جواب دیتے ہوئے لکھا کہ ’ہمارے دلوں پر مسکراہٹ لانے کیلئے شکریہ۔