لاہور ہائی کورٹ کے 11 ججز کو 36 کروڑ کے بلاسود قرضوں کی منظوری

 لاہور: نگراں حکومت پنجاب نے لاہور ہائی کورٹ کے 11 ججز کو 36 کڑور روپے سے زائد قرضوں کی منظوری دے دی، یہ قرضے بلاسود ہوں گے جن کی مدت واپسی 12 سال ہے۔

ایکسپریس نیوز کے مطابق نگراں پنجاب حکومت کی طرف سے ہائی کورٹ کے ججز کو ان کی تین سال یعنی 36 بنیادی تنخواہوں کے برابر قرض دیا گیا، جو کہ اوسطً فی جج سوا 3 کروڑ روپے ہے۔

نگراں کابینہ کی اسٹینڈنگ کمیٹی برائے فنانس نے ججز کو بلا سود قرضوں کی منظوری دے دی ہے۔ کابینہ کی اسٹینڈنگ کمیٹی برائے فنانس کے ایجنڈا نمبر 17، 18 اور 19 میں گیارہ ججز کو رقم دینے کے حوالے موجود ہیں۔ ان ججز کی بنیادی تنخواہ 9 لاکھ روپے ماہانہ سے زائد ہے۔

پنجاب کی نگران حکومت کی ہائیکورٹ کے 11 ججز کو 36 کڑور روپے سے زائد قرضوں کی منظوری#ExpressNews #BreakingNews #lahorehighcourt pic.twitter.com/vFbgXwJpoQ

— Express News (@ExpressNewsPK) September 7, 2023

لاہور ہائی کورٹ کے ان گیارہ ججز میں وہ جج بھی شامل ہیں جنہوں نے شوگر ملز کے حوالے سے حکومت کے خلاف حکم امتناع جاری کرکھا ہے۔ سرکاری افسران کو اس سے قبل بلاسود قرض دینے کی ایسی کوئی مثال سامنے نہیں آئی۔