کراچی آپریشن کو اس کے منطقی انجام تک پہنچائیں گے ایڈیشنل آئی جی غلام قادرتھیبو

جرائم پیشہ افراد کے خلاف بغیر کسی دباؤ کے کام کرتے رہیں گے،ایڈیشنل آئی جی کراچی کی ایکسپریس نیوز سے خصوصی گفتگو،فوٹو:فائل

---

ایڈیشنل آئی جی کراچی غلام قادر تھیبو نے کہا ہےکہ شہر میں جاری آپریشن کو اس کے منطقی انجام تک پہنچائیں گے جبکہ جرائم پیشہ افراد کے خلاف بغیر کسی دباؤ کے کام کرتے رہیں گے۔

ایڈیشنل آئی جی کراچی کا چارج سنبھالنے کے بعد ایکسپریس نیوز سے خصوصی گفتگو کرتے ہوئے غلام قادرتھیبو نے کہا کہ پولیس اور رینجرز نے امن کے لیے جانیں دی ہیں ہم کراچی آپریشن کو اس کے منطقی انجام تک پہنچائیں گے اور آپریشن میں گرفتار ملزموں کو سزا بھی دلائیں گے۔ انہوں نے کہا کہ لیاری اور دیگر علاقوں میں جہاں امن و امان کی صورتحال خراب ہے وہاں سیکیورٹی اداروں کے ساتھ مل کر کام کریں گے اور جرائم پیشہ افراد کے خلاف بغیر کسی دباؤ کے کام کرتے رہیں گے۔

واضح رہے کہ غلام قادرتھیبو نے شاہد حیات کو او پی ایس کے تحت ہٹائے جانے کےبعد ایڈیشنل آئی جی کراچی کا چارج سنبھالا ہے جبکہ سابق ایڈیشنل آئی جی کراچی شاہد حیات کو ڈی آئی جی ایڈمن لگانے کا فیصلہ کیا گیا ہے۔