غیر ملکی لیگز کیلئے کرکٹرز کے این او سی میں توسیع نہ دینے کا فیصلہ

قومی ٹیم کے پلئیرز بورڈ سے شدید ناراض (فوٹو: کرک انفو)

---

ٹی20 لیگز کیلئے پاکستان کرکٹ بورڈ (پی سی بی) قومی کرکٹرز کے این او سی میں توسیع نہ دینے کا فیصلہ کرلیا۔

میڈیا رپورٹس کے مطابق قومی ٹیم کے پلئیرز کی جانب سے بورڈ سے انٹرنیشنل ٹی20 لیگ (آئی ایل ٹی) بنگلہ دیش پریمئیر لیگ (بی پی ایل) کے این و سی میں توسیع کا مطالبہ کیا گیا تھا تاہم بورڈ نے جائزہ لینے کے بعد کھلاڑیوں کو صاف انکار کردیا۔

پاکستان کرکٹ بورڈ کی جانب سے کھلاڑیوں کے این او سی میں توسیع نہ کیے پر کئی کرکٹرز ناراض ہیں۔

رپورٹس میں دعویٰ کیا گیا ہے کہ قومی ٹیم کے جو کھلاڑی اسکواڈ کا حصہ نہیں ہیں انہیں بھی واپس بلالیا گیا ہے۔

مزید پڑھیں: غیر ملکی لیگز کیلئے (این او سی) دینے کے معاملے پر حفیظ اور پلئیر آمنے سامنے آگئے

ایک کھلاڑی کا کہنا ہے کہ جن کا ورک لوڈ مینجمنٹ مسئلہ نہیں انہیں مزید کھیلنے دیں، پی ایس ایل 17 فروری سے ہے، بیرون ملک لیگز میں اس وقت تک آخری میچز کھیلے جا سکتے ہیں، کچھ کھلاڑیوں کو 13 فروری تک این او سی دیا گیا ہے۔

مزید پڑھیں: ''کھلاڑیوں کو ورلڈکپ سے پہلے لیگز کی این او سی نہیں دینا چاہیے''

کھلاڑی نے مؤقف اپنایا کہ ایک کھلاڑی کو 16 فروری تک این او سی ملا ہوا ہے، پی سی بی کو یکساں پالیسی بنانی چاہیے، جو کھلاڑی قومی ٹیموں میں شامل نہیں انہیں کھیلنے کا موقع فراہم کیا جائے۔