’یہ بابراعظم پر ذاتی حملہ ہے‘ پی ایس ایل9 کے ترانے پر مداح کا ردعمل

شائقین نے پاکستان سپر لیگ کا آفیشل ترانہ ریلیز ہونے کے بعد سوشل میڈیا پر اپنی آراء کا اظہار کیا

ویب ڈیسک February 14, 2024

فوٹو: ایکسپریس ویب

پاکستان سپر لیگ (پی ایس ایل) سیزن 9 کے ترانے پر مداحوں کا ردعمل بھی سامنے آگیا۔

پاکستان کرکٹ بورڈ (پی سی بی) نے پی ایس ایل کے نویں ایڈیشن کا آفیشل اینتھم 'کُھل کے کھیل' اپنے یوٹیوب چینل پر جاری کردیا ہے جس میں گلوکار علی ظفر اور آئمہ بیگ نے اپنی آوازوں کا جادو جگایا۔

مداحوں نے پاکستان سپر لیگ کا آفیشل ترانہ ریلیز ہونے کے بعد سوشل میڈیا پر اپنی آراء کا اظہار کیا ہے۔

مزید پڑھیں: پی ایس ایل9 کا آفیشل ترانہ جاری کردیا گیا

بیشتر صارفین نے پی ایس ایل کے نئے ترانے پر پسندیدگی کا اظہار کرتے ہوئے اس کی تعریفیں کی جبکہ کچھ صارفین نے تنقید کا نشانہ بھی بنایا ہے۔

ایک صارف نے تبصرہ کرتے ہوئے لکھا: 'لگتا ہے اس سال ہم پی ایس ایل ترانے پر ٹرولنگ کرنے سے محروم رہیں گے'۔

ایک اور صارف نے اپنے تبصرے میں کہا کہ: 'علی ظفر نے ایک بار پھر ثابت کردیا کہ کوئی انکو مات نہیں دے سکتا'۔

مزید پڑھیں: پی ایس ایل9؛ کھلاڑیوں کے بعد کمنٹری کیلئے بھی جزوی دستیابی

ایک صارف کا کہنا تھا: 'ترانے کے الفاظ 'کھل کے کھیل پیارے کب تک تو ڈرے گا' بابر اعظم پر ذاتی حملہ ہے'۔

ترانے سے ناخوش ایک صارف نے کمنٹس سیکشن میں لکھا: 'لوٹ آؤ نصیبو لال'۔