پنجاب کے مختلف شہروں سمیت ایبٹ آباد میں زلزلے کے جھٹکے

زلزلے کے جھٹکے 15 سیکنڈز تک محسوس کئے گئے جس کا مرکز کشمیر میں 10 کلو میٹر زیر زمین تھا، زلزلہ پیما مرکز فوٹو: فائل

---

مری، ایبٹ آباد، گوجرانوالہ، گجرات، بہاولنگر اور گرد ونواح میں زلزلے کے جھٹکے محسوس کئے گئے۔

ایکسپریس نیوز کے مطابق مری، ایبٹ آباد، گوجرانوالہ، گجرات، بہاولنگر اور گرد ونواح میں 15 سیکنڈز تک زلزلے کے جھٹکے محسوس کئے گئے جس کے باعث لوگوں میں خوف وہراس پھیل گیا اور وہ کلمہ طیبہ کا ورد کرتے ہوئے اپنے گھروں سے باہر نکل آئے، زلزلہ پیما مرکز کے مطابق زلزلے کی شدت 5.3 تھی اور اس کا مرکز کشمیر میں 10 کلو میٹر زیر زمین تھا تاہم زلزلے سے کوئی جانی و مالی نقصان نہیں ہوا۔